ఎపి, తెలంగాణ రాష్ట్రాలు వేరుగా ఉన్నప్పటికీ, రెండు రాష్ట్రాలకు సిఎంలుగా పనిచేస్తున్న గురు, శిష్యుల (చంద్రబాబు-కెసిఆర్) మార్గాలు మాత్రం ఒకే విధంగా ఉన్నాయి. పరిపాలనాపరంగా చేపడుతున్న పథకాలు, కార్యక్రమాలైన రైతుల రుణమాఫీ, మహిళల పెళ్లిళ్లకు చేయూత, గ్రామీణాభివృద్ధి తదితర కార్యక్రమాలు, పథకాలన్నీ దాదాపు ఒకే విధం గా ఉంటున్నాయి.

ముఖ్యమంత్రి కల్వకుంట్ల చంద్రశేఖర్‌రావు తెలంగాణ ఉద్యమం సందర్భంగా తెలంగాణ ప్రజలకు ఇంటికో ఉద్యోగం హామీ ఇచ్చారు. అధికారంలోకి వచ్చిన కెసిఆర్ ఇంటికో ఉద్యోగం మాట మార్చి..ఎమ్మెల్యేకో పదవి ఇచ్చే నైజాన్ని ప్రదర్శించారు. బిసి సంక్షేమ సంఘం జాతీయ అధ్యక్షుడు ఆర్ కృష్ణయ్య ఇటీవల నగరంలో జరిగిన ఒక సభలో చేసిన ఈ వ్యాఖ్య పలువురిని ఆశ్చర్యంలో ముంచెత్తింది.

రత్నాచల్ ఎక్స్‌ప్రెస్ అంటే కోస్తాంధ్ర ప్రజల జీవనాడి. ఈ ఎక్స్‌ప్రెస్ రైలులో ప్రయాణం చేయని వారు అరుదు. విజయవాడలో ఉదయం 6.05 గంటలకు బయలుదేరే ఈ రైలు విశాఖపట్నం, మార్గంలో నగరాలకు వెళ్లేవారికి ఎంతో హాయి. మధ్యాహ్నం 12.30 గంటలకు విశాఖకు చేరుతుంది. ఉదయం ఫలాహారం చేసి ఒక న్యూస్ పేపర్ కొనుక్కుని కిటీకి రిజర్వుడ్ సీటులో కూర్చుంటే చాలు. ఆంధ్రా ప్రకృతి అందాలన్నీ తనివి తీరా చూడవచ్చు.

వైస్ ఛాన్సలర్ల నియామకానికి ఈ మధ్య తెలంగాణ రాష్ట్రం దరఖాస్తులు స్వీకరించింది. కుప్పలు తెప్పలుగా దరఖాస్తులు వచ్చాయి. అంత వరకూ ఓకే...దరఖాస్తుల్లో ఉన్న వివరాలు అధికారులను బైర్లుకమ్మేలా చేస్తున్నాయి. పాండిచ్చేరి విశ్వవిద్యాలయం వీసీగా నియమితులైన చంద్రాకృష్ణమూర్తి తన బయోడాటా అంతా తప్పులు తడకలు, అబద్ధాలతో నింపారట!