సినారె జన్మదినం సందర్భంగా సాహితీ గౌతమి, తెలంగాణ కళావేదిక సంయుక్త ఆధ్వర్యంలో ఈ నెల 29న కరీంనగర్ భగవతీ హైస్కూల్‌లో నిర్వహించే కార్యక్రమంలో ప్రముఖ వ్యాఖ్యాత వి.పి.చందన్‌రావును తెలంగాణ కళావేదిక పక్షాన తెలంగాణ వాగ్భూషణ పురస్కారంతో సత్కరించనున్నారు.

కళ్లల్లో కనబడుతున్న
ఆ ఆనందం చూసి..
గతంలో జరిగిన సంఘటనలు
మర్చిపోయావేమో అనుకున్నా..
మాటల్లో వస్తున్న
ఆ సంతోషం చూసి
గతాన్ని మర్చి
మారిపోయావనుకున్నా..
ఆనందం, సంతోషం వెనుకున్నా..
మృగత్వం తెలుసుకోలేకపోయా..
ఆనందమనే మంటల్లో కలిసి
మగ్గిపోయా..

- గుండు రమణయ్య
పెద్దాపూర్, జూలపల్లి
సెల్.నం.9440642809
**

కుమార్ అంటే సినిమా పిచ్చోడని ఆ వూళ్లో అందరికీ తెలుసు. చిన్నప్పటి నుండి కుమార్‌కు సినిమాలంటే తగని పిచ్చి. ఊళ్లోకి పబ్లిసిటీ రిక్షా వచ్చిందంటే కుమార్ దాని వెంబడే వుండేవాడు. హీరోల ఫోటోలు చూస్తూ తన్ను తాను ఆ హీరోగా ఊహించుకునేవాడు. ఆ సినిమా పిచ్చి ఇంతింతై వటుడింతయై అన్నట్లు కుమార్‌తో పాటే పెరిగి పెద్దదైంది. సినిమాల్లో చేరాలన్న ఆలోచన అంతకంతకు ఎక్కువైంది.

‘పాత ఇనుము, పాత పేపర్లు కొంటాం’ తోపుడు బండిని తోసుకొంటూ వెళ్తున్న లలిత గొంతు రోడ్డు మీద పరుగెడుతున్న వాహనాల శబ్దంతో పోటీపడుతోంది. అప్పటికే నాలుగు వీధుల్లో నాలుగు చక్రాల బండిని తోసుకెళ్తూ నాలుగైదు ఇళ్లల్లో పాత ఇనుము, పాత పేపర్లు కొనేసింది. బండి కింద నవారు మంచము లాగున్న దానిమీద సంవత్సరం కొడుకు హాయిగా నిద్రబోతున్నాడు. ముంగురులు సవరించుకొంది. అప్పటికే సూర్యుడు నడినెత్తిమీద కొచ్చిండు.