మంచి రుచి, సువాసనకు మారుపేరైన జామపండు అంటే అందరికీ ఇష్టమే. ఎన్నో పోషక విలువలు కలిగిన ఈ పండును తినడం ఆరోగ్యరీత్యా మంచిదే. ఇందులోని విటమిన్లు, యాంటీ ఆక్సిడెంట్లు, లైకోపెన్ వంటి పోషకాలు మన శరీర వ్యవస్థకు ఎంతగానో మేలు చేస్తాయి. జామపండ్లను తరచూ తింటే ఇందులోని పీచు పదార్థాల కారణంగా మధుమేహం క్రమంగా తగ్గుముఖం పడుతుంది. శరీరంలో సుగర్ స్థాయిలు కూడా నియంత్రణలో ఉంటాయి.

శీతాకాలంలో చలిగాలి ప్రభావం వల్ల పెదాలు తేమను కోల్పోతాయి. అధరాలపై సెబాషియన్ గ్రంథులు సున్నితంగా వుంటాయి. చలికాలంలో పెదాలు తడారిపోవడంతో అవి పగిలిపోయి కొన్నిసార్లు నొప్పిని కలిగిస్తాయి. పగిలిన చర్మాన్ని చేత్తో లాగుతుంటే చర్మంపై రక్తస్రావం జరగడమే గాక బాధ అధికమవుతుంది. తేమగా ఉండాలని పెదాలని నాలుకతో తడుపుతూండటం మంచిది కాదు. ఇలాచేసినా పెదాలపై సున్నితమైన చర్మం చిట్లిపోతుంది.

ముఖ వర్ఛస్సును పెంచుకునేందుకు ఖరీదైన కాస్మొటిక్స్ వాడుతూ, బ్యూటీ పార్లర్లకు వెళ్లి బోలెడు డబ్బు ఖర్చు చేయడం కంటే- కాఫీ పొడిని వాడడం ఎంతోమేలు. రుచి కోసమే కాదు, శారీరక అందాన్ని మరింతగా ఇనుమడింపజేసేందుకు కూడా కాఫీ పొడిని వాడొచ్చు. మంచి యాంటీ ఆక్సిటెంట్‌గా పనిచేసే కాఫీ పొడిని శరీరానికి రాసుకుంటే రక్తప్రసరణ మెరుగవుతుంది. ఫలితంగా చర్మం మంచి నిగారింపును సంతరించుకుంటుంది.

నెయిల్ పాలిష్ వేసుకోవడం పూర్తయ్యాక- వేడి నీటి ఆవిరి తగిలేలా అర నిమిషం పాటు వేళ్లను ఉంచితే గోళ్ల అందం మరింతగా ఇనుమడిస్తుంది. సీసాలో గోళ్ల రంగు గట్టిపడితే దాన్ని గోరువెచ్చని నీరు పోసిన గినె్నలో కాసేపు ఉంచాలి. ఇలా చేస్తే గోళ్లరంగు మెత్తబడి మళ్లీ వాడుకోవడానికి వీలుగా మారుతుంది. ఎండిపోయిన గోళ్లరంగులో రెండు, మూడు చుక్కల టర్పైన్‌టెన్ వేస్తే మెత్తబడుతుంది.