ఐక్యరాజ్యసమితి, నవంబర్ 3: మానవ హక్కుల అంశాలు రాజకీయంగా మారాయని, ఇది మంచి పరిణామం కాదని భారత్ ఆందోళన వ్యక్తం చేసింది. ఐరాస మానవ హక్కుల మండలి పనితీరు సంక్లిష్టంగా మారిందని భారత్ పేర్కొంది. విదేశాంగ విధానంలో మానవ హక్కులను రాజకీయ కోణంగా చూడడం సరికాదని భారత్ ఉప శాశ్వత ప్రతినిధి తన్మయ లాల్ అన్నారు. మానవ హక్కుల మండలి ఎన్నో తీర్మానాలు చేస్తోందన్నారు. ఈ నిర్ణయాలు అమలుకు నోచుకోవడం లేదన్నారు.

వాషింగ్టన్, నవంబర్ 3: తనపై జరిగిన లైంగిక దాడిపై మాజీ సంపాదకుడు ఎంజే అక్బర్ అన్నీ అబద్ధాలే చెబుతున్నార నేషనల్ పబ్లిక్ రేడియో(ఎన్‌పీఆర్) ఎడిటర్ పల్లవి గొగోయ్ ఆరోపించారు. ఎంజే అక్బర్ వల్ల తనకు జరిగిన అన్యాయంపై వాషింగ్టన్ పోస్టులో చెప్పినవన్నీ వాస్తవాలేనని, వాటికి తాను కట్టుబడి ఉన్నానని శనివారం ఆమె స్పష్టం చేశారు.

కొలంబో, నవంబర్ 2: శ్రీలంకలో విక్రమసింఘేను ప్రధాన మంత్రి పదవి నుంచి తప్పించి మహిందా రాజపక్సను నియమించడంతో తలెత్తిన సంక్షోభం శుక్రవారం కొత్త మలుపుతిరిగింది. పార్లమెంట్‌ను సస్పెండ్ చేస్తూ అధ్యక్షుడు మైత్రిపాల సిరిసేన తీసుకున్న నిర్ణయాన్ని ఉపసంహరించుకున్నట్టు గురువారం నాడొక అధికార ప్రకటనలో వెల్లడించారు. పార్లమెంట్ 5న సమావేశమవుతుందని రాజపక్స కార్యాలయం తెలిపింది.

వాషింగ్టన్, నవంబర్ 2: అమెరికాలో పుడితే చాలు ఇక్కడ పౌరసత్వం వస్తున్న మాట ఏమో కాని దీనివల్ల దేశంలో మాత్రం ‘బర్త్ టూరిజం’ మాత్రం పెరుగుతోందని, చైనీయులు దీనివల్ల పెద్దయెత్తున లాభపడుతున్నారని అమెరికా అధ్యక్షుడు ట్రంప్ ఆగ్రహం వ్యక్తం చేశారు. కొలంబియాలో జరిగిన ఎన్నికల సభలో ఆయన మాట్లాడుతూ ‘అక్రమ వలసదారులైనా, ఇక్కడ పౌరసత్వం లేనివారైనా ఫర్వాలేదు..