టొరంటో, సెప్టెంబర్ 12: వ్యాయామానికి మన గుండె ఎలా స్పందిస్తుంది, రక్త ప్రసరణ ఎలా జరుగుతుందో మన జన్యుకణం ఆధారంగా నిర్ధారించవచ్చునని, అంతేకాకుండా దీని ద్వారా హృద్రోగ సంబంధ సమస్యలపై ముందుగానే హెచ్చరించవచ్చునని ఒక పరిశోధన వెల్లడించింది. వ్యాయామం చేసినా దాని ఫలితం ఒక్కొక్కరికీ ఒక్కోలా ఎందుకు ఉంటున్నదో ఇంతవరకు ఎవరూ పరిశోధనలు చేయలేదు.

వాషింగ్టన్, సెప్టెంబర్ 11: బలోపేతమైన సరికొత్త వాణిజ్య బంధాల కోసం భారత్-అమెరికా మధ్య ఉన్నత స్థాయి చర్చలు మొదలయ్యాయి. ఈ రెండు దేశాల మధ్య సరికొత్త వ్యాపార సంబంధాలు ప్రస్తుతం ప్రారంభదశలో ఉన్నాయని ట్రంప్ అడ్మినిస్ట్రేషన్‌కు చెందిన సీనియర్ అధికారులు తెలిపారు. రక్షణ శాఖలకు సంబంధించిన సుదీర వ్యాపార సంబంధాల కోసం గతవారం భారత రాజధాని న్యూఢిల్లీలో చర్చలు జరిగాయి.

ఐక్యరాజ్యసమితి: పర్యావరణ మార్పుల ప్రతికూల పరిణామాలపై ఐక్యరాజ్య సమితి మరోసారి తీవ్రస్వరంతో హెచ్చరించింది. ఇదేతరహాలో వాతావరణ మార్పులు కొనసాగితే విపత్తుల కూపంలో జారుకున్నట్టే అవుతుందని స్పష్టం చేసింది. ఈ నేపథ్యంలో ఇటీవల కేరళలో సంభవించిన ప్రకృతి బీభత్సాన్ని, దానివల్ల సంభవించిన అపార ఆస్తి, ప్రాణనష్టాలను కూడా ఐక్యరాజ్యసమితి సెక్రటరీ జనరల్ ఆంటోనియా ఉటంకించారు.

చికాగో, సెప్టెంబర్ 9: ప్రధాని నరేంద్రమోదీ ఆధ్వర్యంలో భారత్ వేగంగా అభివృద్ధి చెందుతోందని, ప్రపంచమంతా భారత్ వైపు చూస్తోందని ఉపరాష్టప్రతి ఎం వెంకయ్యనాయుడు అన్నారు. గొప్ప సంస్కృతికి, సంప్రదాయాలకు నిలయం భారత్ అన్నారు. అమెరికాలో స్థిరపడిన తెలుగు ప్రజలను ఉద్దేశించి ఆయన మాట్లాడుతూ, ప్రపంచమంతా ఆర్థిక రంగంలో నిస్తేజం చోటు చేసుకుంటే, భారత్‌లో మాత్రం అభివృద్ధి వెలిగిపోతోందన్నారు.