న్యూయార్క్, ఆగస్టు 9: భారతీయ కళలు, సంస్కృతి, సారస్వతాలు, సాహితీ సంపద ఔన్నత్యాన్ని తెలుపుతూ అమెరికాలో ఓ కార్యక్రమం చేపడుతున్నారు. యుఎస్‌లోని ఓ ప్రముఖ సాంస్కృతిక సంస్థ దీనికి నడుం బిగించింది. భారతీయ సంస్కృతీ సౌరభాలు, వాణిజ్యం, విధానాలు వివిధ కోణాల్లో ఆవిష్కృతం కానున్నాయి. ‘సీజన్ ఆఫ్ ఇండియా’పేరుతో ప్రదర్శనలు, సాహితీ పండుగలు ఏర్పాటు చేస్తున్నారు.

ఖాట్మాండు, ఆగస్టు 9: వాతావరణ పరిస్థితులు మెరుగవ్వడంతో నేపాల్ నుంచి పలువురు భారత్ యాత్రికులు కైలాష్-మానససరోవర్ యాత్ర నిమిత్తం సిమిల్‌కోట్‌కు పది విమానాల్లో బయలుదేరారు. ఇప్పుడు వాతావరణం అనుకూలంగా ఉండటంతో సిమిల్‌కోట్, నేపాల్ గంజ్‌ల మధ్య నిన్నటి నుంచి విమానాలు యథావిధిగా తిరుగుతున్నాయని అధికారులు తెలిపారు.

ఇస్లామాబాద్, ఆగస్టు 9: కాబోయే ప్రధాని, పీటీఐ పార్టీ అధ్యక్షుడు ఇమ్రాన్ ఖాన్ ఎన్నికల నియమావళిని ఉలంఘించినందుకు రాతపూర్వకంగా భేషరతుగా క్షమాపణ చెప్పాలని పాకిస్తాన్ ఎన్నికల సంఘం కోరింది. ఈ మేరకు తాఖీదులు జారీ చేసింది. గత నెల 25వ తేదీన పాకిస్తాన్‌లో ఎన్నికలు జరిగాయి. ఈ ఎన్నికల్లో ఇమ్రాన్ ఖాన్ పార్టీ ఎక్కువ సీట్లు తెచ్చుకుని ఏకైక అతి పెద్ద పార్టీగా అవతరించింది.

ముజఫర్‌పూర్/పాట్నా, ఆగస్టు 8: ముజఫర్‌పూర్ షెల్టర్‌హోమ్ సెక్స్‌కుంభకోణంలో ఆరోపణలు ఎదుర్కొంటున్న బిహార్ మంత్రి మంజు వర్మ ఎట్టకేలకు పదవి రాజీనామా చేశారు. మంత్రి భర్త చందేశ్వర్ వర్మ విద్యార్థినులపై అత్యాచారానికి పాల్పడినట్టు వచ్చిన వార్తలు దేశవ్యాప్తంగా కలకలం రేపాయి. అయితే తన భర్తకు ఎలాంటి సంబంధం లేదని ఇప్పటి వరకూ చెప్పుకొచ్చిన మంత్రి మంజు వర్మ ప్రతిపక్షాలు, ప్రజా సంఘాల ఆందోళనకు తలొగ్గారు.