మటారం, ఆగస్టు 6: ఇండోనేషియాలోని లాంబాక్ ద్వీపం ప్రాంతంలో సంభవించిన తీవ్ర భూకంపం కారణంగా మృతుల సంఖ్య సోమవారం నాటికి 91కి చేరుకుంది. చాలా ప్రాంతాల్లో భూకంప తీవ్రతకు వందలాది భవనాలు నేలమట్టమయ్యాయి. వారం రోజుల కిందట 6.9 తీవ్రతతో భూకంపం సంభవించడంతో వివిధ రిసార్టుల్లో ఉన్న పర్యాటకులతోపాటు స్థానికులు దాదాపు 17 మంది మరణించారు.

ఐక్యరాజ్య సమితి, ఆగస్టు 5: ప్రపంచ శాంతి స్థాపనకు భారత్ చేస్తున్న కృషి అమోఘమని ఐక్యరాజ్య సమితి ప్రశంసించింది. ఎన్ని అడ్డంకులు ఎదురవుతున్నప్పటికీ స్థిరంగా నిలబడిన భారత్ శాంతి కోసం అన్ని విధాలా సహకరించడం ముదావహమని పేర్కొంది. అవసరాలను గుర్తించి, అందుకు దీటైన స్థాయిలో సేవలు అందించడానికి భారత్ ఎప్పుడూ ముందు ఉంటున్నదని శాంతి పరిరక్షణ వ్యవహారాల అండర్ సెక్రటరీ జనరల్ జీన్ పియరీ లాక్రోక్స్ అన్నారు.

లాహోర్: బాలికపై అత్యంత పాశవికంగా అత్యాచారం..హత్యలకు పాల్పడిన కేసులో కఠిన శిక్షను అనుభవిస్తున్న కరుడుగట్టిన కామాంధుడికి ఇలాంటి మరో మూడు కేసులతో సైతం సంబంధం ఉందని తేలడంతో పాకిస్తాన్ తీవ్రవాద నియంత్రణ ప్రత్యేక కోర్టు నిందితుడిపై నిప్పులు చెరిగింది. ఈ మానవ మృగానికి కేవలం ఒక మరణ శిక్ష సరిపోదని మరో 12 మరణ శిక్షలు విధిస్తూ సంచలన తీర్పునిచ్చింది.

తాష్కెంట్, ఆగస్టు 5: కేంద్ర విదేశీ వ్యవహారాల శాఖ మంత్రి సుష్మా స్వరాజ్ ఉజ్బెకిస్తాన్ రాజధాని తాష్కెంట్‌లో ఆదివారం నాడు పర్యటించారు. భారత రెండవ ప్రధాన మంత్రి లాల్‌బహదూర్ శాస్ర్తీకి అక్కడ ఉన్న స్మారక చిహ్నం వద్ద సుష్మ పుష్పమాలికలతో నివాళులు అర్పించారు. శనివారం నాడు తొలిసారిగా తాష్కెంటుకు చేరుకున్న సుష్మ ఆదివారం ఉదయం లాల్‌బహదూర్ శాస్ర్తీ స్మారక చిహ్నం వద్దకు వచ్చారు.