ఇస్లామాబాద్, జూలై 17: పాకిస్తాన్ మాజీ ప్రధాని నవాజ్ షరీఫ్‌కు కోర్టులో చుక్కెదురైంది. అవినీతిలో జైలు శిక్ష అనుభవిస్తున్న నవాజ్‌షరీఫ్, కుమార్తె మరియం, అల్లుడు తమకు విధించిన శిక్షను సవాలు చేస్తూ దాఖలు చేసిన అప్పీల్‌పై విచారణను ఈ నెలాఖరుకు వరకు వాయిదా వేస్తున్నట్లు కోర్టు ప్రకటించింది. శిక్షలను సస్పెండ్ చేయాలన్న వినతిని హైకోర్టు తోసిపుచ్చింది.

అస్టోరియా (ఒరెగాన్), జూలై 16: భారత శరణార్థులు అమెరికా జైలులో దుర్భర జీవితాన్ని గడుపుతున్నారు. చేతులకు సంకెళ్లతో, కదలికలపై ఆంక్షలతో ప్రత్యక్ష నరకాన్ని అనుభవిస్తున్నారు. అక్రమంగా దేశంలోకి చొరబడ్డారని, స్వదేశానికి వెళ్లకుండా తిష్టవేశారని ఆరోపిస్తూ ఒరెగాన్ పోలీసులు అరెస్టు చేసిన యాభై మందికిపైగా భారతీయుల పరిస్థితి దారుణంగా ఉంది.

ఇస్లామాబాద్, జూలై 15: పాకిస్తాన్‌లో ఎన్నికల నేపథ్యంలో గత పక్షం రోజుల్లో ఉగ్రవాదుల దాడిలో 150 మంది పౌరులు మరణించడంపై దేశవ్యాప్తంగా ఆందోళన వ్యక్తమవుతోంది. దేశంలో ప్రభుత్వం ఉందా? సైన్యం ఏమి చేస్తోంది? ఉగ్రవాదులను ఏరిపారేసేందుకు సైన్యం వద్ద ఉన్న ప్రణాళిక ఏమిటి? అనే అంశంపై చర్చ మొదలైంది. ఈ నెల 25న ఎన్నికలు జరగనున్న సందర్భంగా బలూచిస్తాన్, పెషావర్ ప్రాంతంలో తాలిబాన్ల దాడుల్లో 150మందికిపైగా మరణించారు.

ఢాకా, జూలై 15: భారత వ్యతిరేక కార్యకలాపాలు సాగించేందుకు తమ భూభాగంలో ఉగ్రవాదులను ఎట్టి పరిస్ధితుల్లోనూ అనుమతించేది లేదని బంగ్లాదేశ్ ఉద్ఘాటించింది.్భరత హోం మంత్రి రాజ్‌నాథ్ సింగ్ ఆదివారం జరిపిన చర్చల సందర్భంగా బంగ్లాదేశ్ హోం మంత్రి అసాదుజ్జమాన్ ఖాన్ ఈ విషయాన్ని స్పష్టం చేశారు. వీరిద్దరి మధ్య ఇరుదేశాలకు సంబంధించిన భద్రతాపరమైన అంశాలపై విస్తృతంగా చర్చ జరిగింది.