మార్సెల్లీ, జూలై 4: మృత్యువు ముంచుకొస్తున్నప్పుడు గుక్కెడు నీళ్లు తాగినా గుటక పడక మరణిస్తారని ఒక నానుడి. అలాగే కొన్ని మిలియన్లకు అధిపతి, తన వ్యాపార నైపుణ్యంతో ఎందరికో ఆదర్శంగా నిలిచిన చైనా టైకూన్ పిల్లచేష్టకు పాల్పడి పిట్టగోడ మీద నుంచి పడి మృతి చెందడం తీవ్ర విషాదాన్ని నింపింది. కేవలం గోడ మీద నుంచి కిందకు పడి తీవ్ర గాయాలతో మరణించడం అందరినీ దిగ్భ్రాంతికి గురి చేసింది.

లండన్, జూలై 4: దివ్యాంగులకు ఇప్పటి వరకూ అమరుస్తున్న కృత్రిమ చేతుల స్థానంలో సరికొత్త సాంకేతిక పరిజ్ఞానంతో తయారైన సరికొత్త చేతులు త్వరలోనే అందుబాటులోకి రానున్నాయి. బ్రిటన్‌లోని ఇంపీరియల్ కాలేజ్ లండన్, జర్మనీకి చెందిన గోటిన్‌జెన్ యూనివర్శిటీ శాస్తవ్రేత్తల బృందం చేస్తున్న పరిశోధనలు ఫలించాయి. ఆర్ట్ఫిషియల్ ఇంటెలిజెన్స్ (ఏఐ)ని వినియోగించుకునే కృత్రిమ చేతిని వారు రూపొందించగలిగారు.

వాషింగ్టన్, జూలై 1: వివాదాస్పదమైన ఇమ్మిగ్రేషన్ విధానాలను అవలంబిస్తున్న అమెరికా అధ్యక్షుడు డొనాల్డ్ ట్రంప్ వైఖరిపై ఆ దేశంలో తీవ్ర నిరసన వ్యక్తమైంది. ఇండియన్ అమెరికన్లు సహా వేలాది మంది ట్రంప్ చర్యలపై ఆగ్రహం వ్యక్తం ఆ దేశంలోని పలు నగరాలలో నిరసన ప్రదర్శనలు నిర్వహించారు. ‘తల్లీబిడ్డలను వేరు చేసే ట్రంప్ వీసా విధానాలు మాకొద్దు’ అంటూ నినదించారు.

టోక్యో, జూలై 1: జపాన్ దక్షిణ ప్రాంతాన్ని పెను తుపాను తాకే ప్రమాద ముందని వాతావరణ శాస్తవ్రేత్తలు హెచ్చరించారు. ఒకినావా ప్రాంతంలోదయం నుంచే పెద్ద ఎత్తున రాక్షస అలలు, పెనుగాలులు చుట్టుముట్టాయి. దీంతో ప్రజలు భయభ్రాంతులకు గురై సురక్షిత ప్రాంతాలకు తరలివెళుతున్నారు. ఒకినావా రాజధాని నహా నగరానికి భయంకరమైన తుపాను తాకే ప్రమాదం ఉందని, గంటకు 144 కి.మీ వేగంతో గాలులు వీచాయని జపాన్ వాతావరణ శాఖ పేర్కొంది.