మాస్కో, జూన్ 13: ప్రపంచ కప్ సాకర్ చాంపియన్‌షిప్‌కు నగారా మోగింది. క్వాలిఫయర్స్ అడ్డంకిని అధిగమించి, మెయిన్‌కు అర్హత సంపాదించిన 32 జట్లు పోరాడే ఈ మహాయుద్ధానికి సిద్ధంగా 736 మంది ఆటగాళ్ల మధ్య సంకుల సమరం గురువారం రష్యా, సౌదీ అరేబియా జట్ల మ్యాచ్‌తో మొదలుకానుంది. గ్రూప్ దశలో మొత్తం ఎనిమిది గ్రూపులు.. ఒక్కో గ్రూపులో నాలుగు జట్లు ఉంటాయ.

సింగపూర్, జూన్ 12: దాదాపు ఏడు దశాబ్దాల వైరానికి స్వస్తి పలికి అమెరికా, ఉత్తర కొరియా దేశాలు చారిత్రక రీతిలో చేతులు కలిపాయి. అసలు జరుగుతుందా లేదా అన్న అనుమానాల నేపథ్యంలో సింగపూర్ వేదికగా అమెరికా అధ్యక్షుడు డొనాల్డ్ ట్రంప్, ఉత్తర కొరియా అధినేత కిమ్ జాంగ్ ఉన్ మనసు విప్పి మాట్లాడుకున్నారు. కొరియాల మధ్య శాంతికి, అంతర్జాతీయ ప్రశాంతతకు బలమైన పునాదులు వేస్తూ చారిత్రక ఒప్పందాన్ని కుదుర్చుకున్నారు.

ప్రపంచ అధినేతలను కలుసుకోవడం మాట ఎలా వున్నా కనీసం దూరం నుంచైనా చూడాలన్న ఆసక్తి అందరికీ ఉంటుంది. సింగపూర్‌లో చారిత్రక శిఖరాగ్ర భేటీకి వచ్చిన అమెరికా అధ్యక్షుడు ట్రంప్‌ను కలుసుకునేందుకు ఓ భారతీయ సంతతికి చెందిన వ్యక్తి మలేషియా నుంచి సింగపూర్ వచ్చాడు. దాదాపు 38వేల రూపాయలు ఖర్చు పెట్టి ఓ రాత్రంతా ఓ హోటల్‌లో బస చేశాడు. 25 ఏళ్ల మహారాజ్ మోహన్ అనే వ్యక్తి సోమవారం షాంగ్రీలా హోటల్‌లో ఓ రూమ్ తీసుకున్నాడు.

ట్రంప్ - కిమ్ శిఖరాగ్ర భేటీలో సింగపూర్ ప్రధాన న్యాయమూర్తులు ఒకప్పుడు వినియోగించిన 80 సంవత్సరాల నాటి టేక్‌వుడ్ టేబుల్ కీలక భూమిక పోషించింది. ఈ చారిత్రక టేబుల్ పైనే నేతలు, ప్రతినిధుల మధ్య సింగపూర్‌లోని కాపెల్లా హోటల్లో చర్చలు జరిగాయి. 4.3 మీటర్ల పొడవైన ఈ టేబుల్‌పైనే ట్రంప్ -కిమ్‌లు సంయుక్త ప్రకటనపై సంతకం చేశారు. ఈ శిఖరాగ్ర సదస్సు కోసం ఈ చారిత్రక టేబుల్‌ను అమెరికా ఎంబసీ అద్దెకు తీసుకుంది.