వాషింగ్టన్, మే 24: అంగారక గ్రహంపై నాసా చేస్తున్న పరిశోధనల్లో కొత్త అంశాలు వెలుగు చూస్తున్నాయి. ఏడాది క్రితం నాసా ప్రయోగించిన క్యురియాసిటీ మార్స్ రోవర్ విజయవంతంగా మట్టి శాంపిల్స్‌ను సేకరించాయి. అంగారక గ్రహం పైన ఉన్న శిలలను తవ్వి పౌడర్‌ను సేకరించినట్లు నాసా పేర్కొంది. గ్రహంపైన ఉన్న దులుత్ అనే శిలను లక్ష్యంగా చేసుకుని రెండు ఇంచు ల మేరకు రోవర్ తవ్వినట్లు నాసా పేర్కొంది.

కోజిక్కోడ్, మే 24: నిఫా వైరస్ బారిన పడిన మరో వ్యక్తి చికిత్స పొందుతూ గురువారం ఉదయం మరణించడంతో, ఇప్పటి వరకు ఈ వ్యాధికి బలైనవారి సంఖ్య 11కు చేరింది. వి.మూసా (61) అనే వద్ధుడు కొద్ది రోజులుగా ఒక ప్రైవేటు ఆసుపత్రిలో వెంటిలేటర్ సహాయంతో చికిత్స పొందుతున్నాడు. పరిస్థితి విషమించి గురువారం ఉదయం మరణించాడని, జిల్లా వైద్యాధికారణి డాక్టర్. జయశ్రీ విలేకర్లకు తెలిపారు.

బీజింగ్, మే 22: ఉగ్రవాదం, డ్రగ్ ట్రాఫికింగ్, బహుళజాతి నేర సవాళ్లను సంయుక్తంగా ఎదుర్కోవడానికి ఎలాంటి మార్గాలు అనుసరించాలి, పరస్పర సహకారాన్ని ఎలా బలోపేతం చేసుకోవాలన్న దిశగా షాంఘై సహకార మండలి (ఎస్సీవో) సభ్యదేశాలు విస్తృత చర్చలు జరిపాయి.

వాషింగ్టన్, మే 20: 1984లో సిక్కులకు వ్యతిరేకంగా జరిగిన దాడుల్లో నష్టపోయిన ప్రతి కుటుంబానికి న్యాయం చేసేందుకు బీజేపీ నేతృత్వంలోని ఎన్‌డీఏ ప్రభుత్వం తాను చేయాల్సిందంతా చేస్తుందని సీనియర్ బీజేపీ ప్రధాన కార్యదర్శి రామ్‌మాధవ్ స్పష్టం చేశారు. వాషింగ్టన్ డీసీలోని మేరీల్యాండ్ శివారులో జరిగిన వైశాఖి వేడుకల్లో పాల్గొన్న వందలాది మంది సిక్కులనుద్దేశించి ఆయన ప్రసంగించారు.