న్యూయార్క్, ఏప్రిల్ 19: టైమ్ మ్యాగజీన్ ప్రకటించిన ప్రపంచంలోని ప్రముఖ వ్యక్తుల జాబితాలో ఒలా సహ వ్యవస్థాపకుడు భవీష్ అగర్వాల్, బాలీవుడ్ నటి దీపికా పడుకొనె, భారత క్రికెట్ కెప్టెన్ విరాట్ కోహ్లీ, మైక్రోసాఫ్ట్ సీఈఓ సత్యానాదెండ్ల చోటు సంపాదించారు. వీరి పేర్లు జాబితాలోని తొలి వంద స్థానాల్లోపే ఉండటం గమనార్హం. ఇక వార్షిక గౌరవనీయుల జాబితాలోఅమెరికా అధ్యక్షుడు డోనాల్డ్ ట్రంప్ పేరు చేర్చారు.

లండన్, ఏప్రిల్ 18: ఐరోపా సమాజంనుంచి బయటకు వెళ్లినప్పటికీ బ్రిటన్‌తో కొనసాగుతున్న సంబంధాల్లో ఏవిధమైన మార్పు ఉండబోదని ప్రధాని నరేంద్ర మోదీ, బ్రిటన్ ప్రధాని థెరెసా మేకు స్పష్టం చేశారు. బ్రెగ్జిట్ తర్వాత రెండు దేశాల ద్వైపాక్షిక సంబంధాలకు మరింత జవజీవాలు కల్పించాలని ఇరువురు నేతలు నిర్ణయించారు. బుధవారం భారత్, బ్రిటన్ ప్రధానులు మోదీ, థెరెసా మే మధ్య జరిగిన ద్వైపాక్షిక చర్చలు ఫలవంతమయ్యాయి.

ఈటా (ఉత్తరప్రదేశ్), ఏప్రిల్ 17: దేశాన్ని కుదిపేసిన కథువా సంఘటన మరువకముందే, ఉత్తరప్రదేశ్‌లో మరో దారుణం చోటుచేసుకుంది. ఏ డేళ్ల బాలికపై అత్యాచారం జరిపి దారుణంగా హ త్య చేసిన సంఘటన ఈటాలో చోటుచేసుకుంది. సంఘటనపై ఆగ్రహించిన మృతురాలి తల్లిదండ్రులు ఈటా-్ఫరూకాబాద్ రహదారిని దిగ్బంధించి, రూ.10లక్షల నష్టపరిహారం చెల్లించాలని డిమాండ్ చేశారు.

లాహోర్, ఏప్రిల్ 15: పాకిస్తాన్ మాజీ ప్రధాని నవాజ్ షరీఫ్ కేసులో కీలకమైన ఓ జడ్జి ఇంటిపై ఆదివారం ఉదయం కాల్పులు జరిగాయి. తెల్లవారు జామున 4.30 గంటలకు, ఉదయం 9 గంటలకు మరోసారి కాల్పులు జరిగినట్లు లాహోర్ పోలీసులు తెలిపారు. నవాజ్ షరీఫ్‌ను పదవీచ్యుతుడిని చేసిన పనామా పేపర్స్ కేసును విచారిస్తున్న సుప్రీం బోర్డులో న్యాయమూర్తి అయిన ఇజాజ్ ఉల్ హసన్ ఇంటిపై ఈ కాల్పులు జరిగాయి.