మాస్కో, ఫిబ్రవరి 11: రష్యా రాజధాని మాస్కో శివారులో ఓ ప్రయాణికుల విమానం కూలిపోయిన దుర్ఘటనలో 71 మంది దుర్మరణం చెందారు. మాస్కోలోని డొమండెడోవ్ విమానాశ్రయం నుంచి బయలు దేరిన ఎఎన్-148 అనే విమానంలో ప్రమాద సమయానికి ఆరుగురు సిబ్బంది, 65మంది ప్రయాణికులు ఉన్నారు. ఈ విమానం మాస్కో నుంచి ఓర్క్స్ పట్టణానికి వెళుతున్న సమయంలో ఈ ప్రమాదం జరిగిందని అధికారులు తెలిపారు.

కేంబ్రిడ్జ్ (మసాచ్యూసెట్స్), ఫిబ్రవరి 11: త్వరలోనే తమిళనాడు రాజకీయ పార్టీ పెడతానని సంకేతాలు అందించిన ప్రముఖ నటుడు కమల్‌హాసన్, మరో సూపర్‌స్టార్ రజనీకాంత్‌తో పొత్తు విషయంలో తాజా మెలిక పెట్టారు. రజనీకాంత్ రంగు ‘కాషాయం’ అయితే, ఆయనతో పొత్తుకు తాను ఎంతమాత్రం సిద్ధంగా లేనని కమల్ స్పష్టం చేశారు. పరోక్షంగా బీజేపీతో రజనీకాంత్ సన్నిహితం అవుతున్నారన్న సంకేతాలను తన మాటల్లో ఆయన ధ్వనించారు.

ప్రపంచ వ్యాప్తంగా చాలా దేశాలు మంచు గుప్పిట్లో చిక్కుకుని విలవిల్లాడుతున్నాయ. అమెరికాలోని చికాగాలో దాదాపు 7 అంగుళాల మేర రహదారులపై మంచు పేరుకుపోయంది. దాన్ని తొలగించేందుకు సిబ్బంది నానా ఇబ్బందులు పడాల్సి వచ్చింది.

రామల్లా, ఫిబ్రవరి 10: పాలస్తీనాలో పర్యటించిన తొలి ప్రధానిగా చరిత్ర సృష్టించిన నరేంద్ర మోదీకి ఆ దేశం సముచితరీతిలో గౌరవించింది. పాలస్తీనా అధ్యక్షుడు మహ్మద్ అబ్బాస్‌తో ద్వైపాక్షిక చర్చలు పూర్తయిన వెంటనే ఆయనకు ‘గ్రాండ్ కాలర్ ఆఫ్ ది స్టేట్ ఆఫ్ పాలస్తీనా’ ప్రదానం చేశారు. ఇరుదేశాల మధ్య సంబంధాలను సుధృడం చేయడంలో మోదీ చేసిన కృషికి గుర్తింపుగా ఈ సత్కారం చేశారు.