S ,7 à 8 RSCA (si SASPAS) et 6 cialis pharmacie cialis rapports de stage.

అంతర్జాతీయం

,
06/19/2016 - 06:49

మాస్కో, జూన్ 18: అంతర్జాతీయ స్పేస్ స్టేషన్‌లో 186 రోజులపాటు అనేక ప్రయోగాలు నిర్వహించిన ముగ్గురు వ్యోమగాములు శనివారంనాడు భూమికి తిరిగివచ్చారు. స్థానిక కాలమానం ప్రకారం సాయంత్రం 3.15 గంటలకు వీరు సూయుజ్ టిఎమ్‌ఏ-19ఎం అనే వ్యోమనౌకలో కజకిస్థాన్‌లో సురక్షితంగా దిగారు. వీరు స్పేస్ స్టేషన్‌లో బయాలజీ, బయో టెక్నాలజీ, భౌతికశాస్త్రం తదితర అంశాలపై ఎన్నో ప్రయోగాలు నిర్వహించినట్లు నాసా తెలిపింది.

06/19/2016 - 06:45

బీజింగ్, జూన్ 18: అంతర్జాతీయ యోగా దినోత్సవాన్ని పురస్కరించుకుని శనివారంనాడు చైనాలో పలుచోట్ల ప్రత్యేక కార్యక్రమాలు నిర్వహించారు. బీజింగ్‌లోని ఛాయాంగ్ పార్క్‌లో భారత రాయబార కార్యాలయం సహకారంతో ‘యోగి యోగ’ సంస్థ నిర్వహించిన యోగా శిక్షణ శిబిరానికి పెద్దసంఖ్యలో స్థానికులు తరలివచ్చారు.

06/19/2016 - 06:41

ప్రత్యేక విమానం నుంచి, జూన్ 18: పౌర అణు ఇంధన రంగంలో ఘనాకు పూర్తిస్థాయిలో సహకరించడానికి భారత్ అంగీకరించింది. రాష్టప్రతి ప్రణబ్ ముఖర్జీ ఆఫ్రికా దేశాల్లో ఆరు రోజుల పర్యటన విజయవంతంగా ముగించుని తిరిగివస్తూ ప్రత్యేక విమానంలో మీడియాతో ముచ్చటించారు. పౌర అణు ఇంధన రంగంలో సహాయ, సహకారాలు అందించే అంశాన్ని పరిశీలిస్తామని ఆయన హామీ ఇచ్చారు.

06/19/2016 - 06:37

లండన్, జూన్ 18: దేశంలో బ్యాంకులకు వేలాది కోట్ల రూపాయల రుణాలను ఎగ్గొట్టి బ్రిటన్‌కు పారిపోయిన ప్రముఖ మద్యం వ్యాపారి విజయ్ మాల్యా గురువారం సాయంత్రం లండన్ స్కూల్ ఆఫ్ ఎకనమిక్స్ (ఎల్‌ఎస్‌ఇ)లో ప్రముఖ సామాజికవేత్త సుహెల్ సేథ్ నూతన పుస్తకావిష్కరణ కార్యక్రమంలో దర్శనమిచ్చాడు.

06/19/2016 - 06:29

కొలంబో, జూన్ 18: భారత్ ఆర్థిక వృద్ధి పొరుగుదేశాలకు దోహదకారి కావాలని ప్రధాని నరేంద్ర మోదీ అభిప్రాయ పడ్డారు. శ్రీలంకలోని జాఫ్నా ప్రాంతంలో భారత్ సాయంతో పునర్నిర్మించిన స్టేడియంను శ్రీలంక అధ్యక్షుడు మైత్రీపాల సిరిసేనతో కలిసి మోదీ ప్రారంభించారు. 1996నుంచి నిరుపయోగంగా ఉన్న ఈ స్టేడియంను దాదాపు 7 కోట్ల రూపాయల భారత్ సాయంతో పునర్నిర్మించారు.

06/19/2016 - 06:18

థానె, జూన్ 18: సంచలనం సృష్టించిన కోట్లాది రూపాయల విలువ గల అంతర్జాతీయ మాదకద్రవ్యాల కుంభకోణంలో శనివారం మాజీ నటి మమతా కులకర్ణి పేరు తెరపైకి వచ్చింది. డ్రగ్ బారన్ వికీ గోస్వామికి చెందిన ఈ మాదకద్రవ్యాల కుంభకోణంలో మమతా కులకర్ణి ప్రధాన నిందితురాలని థానె పోలీసు కమిషనర్ పరంబీర్ సింగ్ శనివారం ఇక్కడ విలేఖరుల సమావేశంలో వెల్లడించారు.

06/18/2016 - 13:42

బీజింగ్‌: చైనాలోని గ్వాంగ్జీ జువాంగ్‌ ప్రాంతంలో వరదల కారణంగా ఆరుగురు మృతిచెందగా ఇద్దరు గల్లంతయ్యారు. వారం రోజులుగా భారీ వర్షాలు కురుస్తున్నాయి. 39,000 హెక్టార్లలో పంట నష్టం జరిగింది. 5,000 మంది బాధితులు పునరావాస కేంద్రాల్లో తలదాచుకుంటున్నారు.

06/18/2016 - 06:55

వాషింగ్టన్, జూన్ 17: దేశంలో అత్యంత కఠినమైన రీతిలో తుపాకుల లైసెన్స్‌లకు సంబంధించిన చట్టాలను అమల చేయకపోతే ఓర్లాండో తరహా భయానక మారణకాండలు పునరావృతం అవుతూనే ఉంటాయని అమెరికా అధ్యక్షుడు బరాక్ ఒబామా తీవ్ర స్వరంతో హెచ్చరించారు. ఈ తరహాలో ఉగ్రవాద చర్యలకు విఘాతక కృత్యాలకు పాల్పడే ప్రతి ఒక్కరినీ గుర్తించడం, నియంత్రించడం, వారి ఆలోచనలను ముందుగానే పసిగట్టడం అనేది ఎవరికీ సాధ్యం కాదని స్పష్టం చేశారు.

06/17/2016 - 06:26

బీజింగ్, జూన్ 16: అణు ఇంధన సరఫరా దేశాల గ్రూప్ (ఎన్‌ఎస్‌జి)లో సభ్యత్వం సాధించే దిశగా భారత్ దూసుకుపోతోందని చైనా అధికార మీడియా అక్కడి ప్రభుత్వాన్ని హెచ్చరించింది. ఎన్‌ఎస్‌జిలోకి భారత్ చేర్చుకోవటం వల్ల దక్షిణాసియాలో వ్యూహాత్మక సంతులనం దెబ్బతినే ప్రమాదం ఉందని అక్కడి మీడియా పేర్కొంది.

06/16/2016 - 14:51

దిల్లీ: వందేళ్ల చరిత్ర కలిగిన ఐసీసీకి ఛైర్మన్‌గా భారతి ఎంటర్‌ప్రైజెస్‌ వ్యవస్థాపకుడు సునీల్‌ మిట్టల్‌ ఎన్నికయ్యారు. ఈ పదవిలో కొనసాగుతున్న ఎస్‌అండ్‌పీ గ్లోబల్‌ ఛైర్మన్‌ టెర్రీ మెక్‌గ్రామ్‌ నుంచి మిట్టల్‌ బాధ్యతలు స్వీకరించనున్నారు. మిట్టల్‌ ప్రస్తుతం వరల్డ్‌ ఎకనామిక్‌ ఫోరమ్‌ టెలికమ్యూనికేషన్‌ స్టీరింగ్‌ కమిటీకి ఛైర్మన్‌గా వ్యవహరిస్తున్నారు.

Pages