జకార్తా, ఆగస్టు 13: ఇండోనేసియాలోని సుమిత్రా దీవిలో ఆదివారం తీవ్రమైన భూకంపం సంభవించింది. రిక్టర్ స్కేలుపై భూకంప తీవ్రత 6.5గా నమోదైంది. అయితే దీనివల్ల సునామీ వచ్చే ప్రమాదం లేదని అధికారవర్గాలు ప్రకటించాయి. భూకంప తీవ్రతకు ఇళ్లల్లో ఉన్నవారు భయకంపితులయ్యారు. ఉదయం 10.08 గంటలకు సంభవించిన ఈ భూకంపం భూమికి 35 కిలోమీటర్ల లోతున కేంద్రీకృతమైనట్టు తెలిపారు.

వాషింగ్టన్, ఆగస్టు 12: ఉత్తర కొరియా నేత కిమ్ జోంగ్ అన్‌కు అమెరికా అధ్యక్షుడు డొనాల్డ్ ట్రంప్ మరోసారి తీవ్రస్థాయిలో వార్నింగ్ ఇచ్చారు. అమెరికా భూభాగంపై గానీ, మిత్రదేశాలపైగానీ ఎటువంటి దుందుడుకు చర్యలకు పాల్పడినా అందుకు కిమ్ తీవ్రంగా చింతించాల్సి ఉంటుందని ట్రంప్ పేర్కొన్నారు. ‘కిమ్, ఆయన కుటుంబ సభ్యులు ఎన్నో ఏళ్ల నుంచి బెదిరింపులకు దిగుతున్నారు.

క్వెట్టా, ఆగస్టు 12: పాకిస్తాన్‌లోని క్వెట్టాలో శనివారం రాత్రి జరిగిన శక్తివంతమైన బాంబు పేలుడులో 17మంది మరణించారు. 30మందికి పైగా గాయపడ్డారు. పేలుడు ఎలా జరిగిందనేది కారణాలు తెలియరాలేదు. ఆర్మీ వాహనానికి సమీపంలోనే పేలుడు జరిగింది. మృతుల్లో 8 మంది జవాన్లు ఉన్నారు. ఘటన తర్వాత క్వెట్టాలో అత్యవసర పరిస్థితిని ప్రకటించారు.

మనీలా, ఆగస్టు 11: ఫిలిప్పీన్స్‌లో శుక్రవారం రిక్టర్ స్కేలుపై 6.2 తీవ్రత కలిగిన భారీ భూకంపం సంభవించింది. స్థానిక కాలమానం ప్రకారం మధ్యాహ్నం 1.28 గంటలకు లియాన్ పట్టణం తీరానికి దగ్గర్లో సముద్రంలో 173 కిలోమీటర్ల లోతులో ఈ భూకంపం సంభవించినట్లు ప్రభుత్వ అదికారులు తెలిపారు. దీని తీవ్రత 6.2 పాయింట్లుగా యుఎస్ జియాలజికల్ సర్వే అంచనా వేసింది.