మాస్కో, ఆగస్టు 6: ఉత్తర కొరియాను దౌత్యపరంగా ఎదుర్కొని దాన్నుంచి తలెత్తే అణు ముప్పును నిరోధించేందుకు రష్యా, చైనాతో కలిసి పనిచేస్తామని అమెరికా అధ్యక్షుడు డొనాల్డ్ ట్రంప్ ప్రకటించారు. ఉత్తర కొరియాపై ఆర్థిక ఆంక్షలను విధిస్తూ తీసుకున్న నిర్ణయాన్ని ఈ రెండు దేశాలు సమర్థించడాన్ని ఆయన హర్షించారు.

ఇస్లామాబాద్, ఆగస్టు 3: పాకిస్తాన్ పరిస్థితులు ఎప్పుడు అదుపుతప్పినా వాటిని గాడిలోపెట్టింది సైనిక పాలకులేనని మాజీ సైనిక నియంత పర్వేజ్ ముషారఫ్ తెలిపారు. ఇప్పటి వరకూ దేశంలో వచ్చిన సైనిక పాలనలన్నీకూడా సరైనవేనంటూ గట్టిగా సమర్ధించుకున్నారు.‘పౌర ప్రభుత్వాలు దేశాన్ని గాడితప్పిస్తే సైనిక పాలకులు పరిస్థితులను చక్కదిద్ది మళ్లీ గాడిలోపెట్టారు’అని ముషారఫ్ అన్నారు.

ఐక్యరాజ్య సమితి, ఆగస్టు 2: తల్లిపాల ద్వారా నివారించగలిగిన వ్యాధుల కారణంగా భారత దేశంలో ప్రతి ఏటా దాదాపు లక్ష మంది చిన్నారులు చనిపోతున్నారని ఐక్యరాజ్య సమితి నివేదిక పేర్కొంది. అంతేకాకుండా బాలింతలు తమ పిల్లలకు తగినంతగా స్తన్యాన్ని ఇవ్వకపోవడం కారణంగా సంభవించే శిశు మరణాలు, ఇతర నష్టాల కారణంగా దేశ ఆర్థిక వ్యవస్థకు ఏటా 1400 కోట్ల డాలర్ల మేర నష్టం వాటిల్లుతోందని కూడా ఆ నివేదిక పేర్కొంది.

వాషింగ్టన్, ఆగస్టు 2: అమెరికా వర్కర్లస్థానం లో చౌకగా లభించే విదేశీ వర్కర్లను నియమించుకోవడం కోసం ఔట్‌సోర్సింగ్ సంస్థలు హెచ్- 1బి, ఎల్-1 వీసాలను దుర్వినియోగం చేయడాన్ని ఆపాలని, అమెరికా కాంగ్రెస్ ఉభయ సభ ల్లో పలుకుబడిన సభ్యులతో కూడిన బృందం అధ్యక్షుడు డొనాల్డ్ ట్రంప్‌కు ఒక లేఖ రాసింది. జూలై 27న రాసిన ఈ లేఖను మంగళవారం మీడియాకు విడుదల చేశారు.