వాషింగ్టన్, ఏప్రిల్ 22: అమెరికాలో అత్యున్నత వైద్య పదవి అయిన సర్జన్ జనరల్ పదవినుంచి భారత సంతతి వైద్యుడు వివేక్ మూర్తిని డొనాల్డ్ ట్రంప్ ప్రభుత్వం తొలగించింది. తన వాళ్లను ఆ పదవిలో నియమించుకోవడానికి ట్రంప్ వివేక్ మూర్తిని ఆ పదవినుంచి తప్పించారు. 39 ఏళ్ల వివేక్ మూర్తిని నాలుగేళ్ల కాలానికి ఒబామా ప్రభుత్వం సర్జన్ జనరల్‌గా నియమించింది.

వాషింగ్టన్, ఏప్రిల్ 22: పదవి చేపట్టిన వంద రోజులకు ముందే తన ఎన్నికల హామీలన్నిటినీ అమలు చేయాలనే అత్రుతతో ఉన్న అమెరికా అధ్యక్షుడు డొనాల్డ్ ట్రంప్ దేశ ఆర్థిక వ్యవస్థను పునరుజ్జీవింపజేయడానికి, పన్నుల విధానాన్ని సరళీకృతం చేయడానికి, అలాగే విదేశాలకు తరలిపోతున్న ఉద్యోగాలను తిరిగి అమెరికాకు తీసుకురావడానికి ఉద్దేశించిన మూడు కార్యనిర్వాహక ఉత్తర్వులపై శుక్రవారం సంతకం చేశారు.

కాబూల్, ఏప్రిల్ 22: ఆఫ్గనిస్తాన్‌లోని ఓ సైనిక స్థావరంపై తాలిబన్ ఉగ్రవాదులు జరిపిన దాడిలో 140 మంది సైనికులు మృతి చెందారు. అనేక మంది గాయపడ్డారు. ఉత్తర ఆఫ్గనిస్తాన్‌లోని మఝర్ ఇ షరీఫ్ నగర శివార్లలోని సైనిక స్థావరంపై శుక్రవారం దాడి జరిగినట్టు రక్షణశాఖ ధృవీకరించింది. సైనిక దుస్తులు ధరించిన తాలిబన్లు మూకుమ్మడి దాడికి పాల్పడ్డారని, కనీసం 140 మంది సైనికులు మరణించినట్టు వెల్లడించింది.

బీజింగ్, ఏప్రిల్ 21: టిబెటన్ల ఆధ్యాత్మిక గురువు దలైలామా ఇటీవల అరుణాచల్‌ప్రదేశ్‌లో పర్యటించడంపై చైనా మరోసారి మండిపడింది. దలైలామా పర్యటనకు ప్రతిగా అరుణాచల్ ప్రదేశ్‌లోని ఆరు పట్టణాల పేర్లను మార్చిన చైనా అలా పట్టణాల పేర్లను మార్చే చట్టపరమైన హక్కు తనకు ఉందని స్పష్టం చేసింది.