లాస్ ఏంజెల్స్, ఫిబ్రవరి 27: ప్రపంచ సినిమా పండుగ ఆస్కార్ 89వ పురస్కారాల్లో ఉత్తమ చిత్రంగా మూన్‌లైట్ నిలిచింది. రికార్డు స్థాయిలో 14 నామినేషన్లు దక్కించుకుని హాట్ ఫేవరేట్‌గా చర్చల్లో నిలిచిన లాలా ల్యాండ్ చివరకు ఆరు అవార్డులతో సరిపెట్టుకుంది. అయితే కచ్చితంగా వస్తుందని ఊహించిన ఉత్తమచిత్రం పురస్కారం మాత్రం మిస్ చేసుకుంది. ఉత్తమచిత్రం అవార్డు ప్రకటనలో ఆస్కార్ న్యాయనిర్ణేతలు గందరగోళం సృష్టించారు.

వాషింగ్టన్, ఫిబ్రవరి 26: అమెరికా అధ్యక్షుడు డొనాల్డ్ ట్రంప్ వైఖరి చివరికి వైట్‌హౌస్‌లో పని చేసే ఉద్యోగులకు సైతం నచ్చని పరిస్థితి వచ్చింది. ఏడు ముస్లిం దేశాలకు చెందిన వారిపై ట్రంప్ నిషేధం విధించిన కారణంగా తాను ఉద్యోగంనుంచి వైదొలగాలని నిర్ణయించుకున్నట్లు వైట్‌హౌస్‌లో పని చేస్తున్న రుమానా అహ్మద్ అనే ముస్లిం మహిళ తెలిపింది.

లండన్, ఫిబ్రవరి 26: రుణ ఎగవేతదారులు కూడా లండన్‌లో నివసించేంత ఉదారంగా బ్రిటన్ ప్రజాస్వామ్యం ఉందని కేంద్ర ఆర్థిక, కార్పొరేట్ వ్యవహారాల మంత్రి అరుణ్ జైట్లీ అన్నారు. దీనివల్ల మామాలు అవసరాలకు కూడా విఘాతం కలుగుతోందని పేర్కొన్నారు. భారత్‌లో రుణాల ఎగవేత, ఇతర కేసుల్లో నిందితుడయిన లిక్కర్ బారన్ విజయ్ మాల్యా లండన్‌లో నివసిస్తుండటాన్ని దృష్టిలో పెట్టుకొని ఆయన ఈ వ్యాఖ్యలు చేశారు.

వాషింగ్టన్, ఫిబ్రవరి 25: అమెరికాలో రుణ దాతలను మోసగించాడన్న అభియోగాలపై రామన్ హందా (67) అనే ఇండో-అమెరికన్ వ్యాపారిని అరెస్టు చేశారు. ఆల్ఫా ఒమేగా జ్యూయలర్స్ పేరుతో బోస్టన్‌లో నగల దుకాణాలను నడిపి ఎంతో ప్రజాదరణ పొందిన రామన్ హందాను 2007లో వివిధ బ్యాంకుల నుంచి రుణాలను పొంది తిరిగి చెల్లించలేదు. దీంతో ఆయనపై 12 అభియోగాలు నమోదు చేశారు.