వాషింగ్టన్, జనవరి 28: ఊహించినట్టే అమెరికా అధ్యక్షుడు డొనాల్డ్ ట్రంప్ ముస్లిం దేశాలపై ఉక్కుపాదం మోపారు. అమెరికాలోకి వలసల నిరోధంపై ఆదేశాలు జారీ చేశారు. పలు ఇస్లామిక్ దేశాలకు తక్షణం వీసాలను నిలుపుదల చేస్తూ ఎగ్జిక్యూటివ్ ఉత్తర్వుల ప్రతిపై సంతకం చేశారు. దీంతో ట్రంప్ ఎన్నికల ప్రచారం సందర్భంలో ఇచ్చిన హామీల అమలు దిశగా వడివడిగా అడుగులు వేస్తున్నట్టే.

కరాచి, జనవరి 25: పాకిస్తాన్‌లోని సింధ్ రాష్ట్ర అసెంబ్లీలో ఓ మంత్రి మహిళా సభ్యురాలిపట్ల అవమానకరంగా వ్యవహరించడమే కాకుండా ఆమెను తన ప్రైవేట్ చాంబర్‌కు రమ్మని పిలిచారు. దీంతో మంత్రిపై చర్య తీసుకోకపోతే తాను అసెంబ్లీలోనే ఆత్మాహుతి చేసుకుంటానని ఆమె బెదిరించింది. చివరికి మంత్రి ఆమెకు క్షమాపణ చెప్పడంతో సమస్యకు తాత్కాలికంగా తెరపడినప్పటికీ, ఈ ఉదంతం పాక్‌లో మహిళల పరిస్థితికి అద్దం పడుతోంది.

లాస్ ఏంజిల్స్, జనవరి 24: ఎప్పుడెప్పుడా అని ఎదురుచూస్తున్న ఆస్కార్ అవార్డులకు సంబంధించి నామినేషన్ల పర్వం ముగిసింది. ‘లా లా ల్యాండ్’ చిత్రం రికార్డు స్థాయిలో 14నామినేషన్లను సంతరించుకుంది. 89వ అకాడమీ అవార్డులకు సంబంధించి నామినేట్ అయిన చిత్రాల సంఖ్యను మంగళవారం ప్రకటించారు. 14నామినేషన్లు ఒక సినిమాకు దక్కడం అన్నది ఇది మూడోసారి. గతంలో 1959లో ‘ ఆల్ అబౌట్ ఈవ్’ అనే చిత్రానికి 14 నామినేషన్లు దక్కాయి.

దక్షిణ అడెల్, జనవరి 23: అమెరికా దక్షిణ రాష్ట్రాల్లో టోర్నడోలు బీభత్సం సృష్టిస్తున్నాయి. ఆగ్నేయ అమెరికాలో టోర్నడోల వల్ల భారీగా విధ్వంసం జరిగింది. కనీసం 18మంది మరణించినట్లు అధికారులు తెలిపారు. చాలాచోట్ల ప్రజలు ఇళ్లల్లోంచి బయటకు వచ్చే పరిస్థితి లేకుండా పోయింది. పెద్ద పెద్ద వృక్షాలు సైతం కుప్పకూలిపోయాయి. ఉత్తర ఫ్లోరిడా, కరోలినా రాష్ట్రాలు టోర్నడోలకు అల్లల్లాడిపోయాయి.