హైదరాబాద్, జనవరి 12: దిల్‌సుక్‌నగర్ బాంబుపేలుళ్ల కేసులో నిందితుడు వక్వాస్ అలియాస్ జియా ఉర్ రెహమాన్‌కు కోర్టు మరణ శిక్ష విధించిన అంశాన్ని ఢిల్లీలోని పాకిస్తాన్ ఎంబసీకి తెలంగాణ ప్రభుత్వం తెలియచేసింది. రాష్ట్ర జైళ్ల శాఖ హోంశాఖ ద్వారా కేంద్రానికి ఈ విషయాన్ని తెలిపింది. దిల్‌సుక్‌నగర్ బాంబు పేలుళ్ల కేసులో వక్వాస్ పాక్ జాతీయుడనే విషయం విదితమే.

న్యూఢిల్లీ, జనవరి 12: భారత్‌ను లక్ష్యంగా చేసుకుని దాడులు చేస్తున్న పాకిస్తాన్‌లోని ఉగ్రవాద సంస్థలైన లష్కరే తోయిబా, జైషే మహమ్మద్, హిజ్బుల్ ముజాహిదీన్‌లాంటి వాటిపైన నిర్ణయాత్మకమైన చర్యలు తీసుకోవాలని ఫ్రాన్స్ గురువారం గట్టిగా కోరింది.

చికాగో, జనవరి 11: ప్రపంచ ఆధిపత్యం విషయంలో రష్యా, చైనా దేశాలు అమెరికాకు ఎంతమాత్రం సాటిరావని అధ్యక్షుడు బరాక్ ఒబామా స్పష్టం చేశారు. రాజ్యాంగానికి అందులో నిబిడీకృతమై ఉన్న విలువలతో కూడిన విధానాలకు అమెరికా పౌరులు పునరంకితమైతే దేశానికి ఓటమే లేదని దేశాధ్యక్షుడిగా తన వీడ్కోలు సందేశంలో స్పష్టం చేశారు. ఏ రకమైన విలువలకోసం, వ్యవస్థకోసం దశాబ్దాలుగా అమెరికా పాటుపడుతూ వచ్చిందో వాటిని పరిరక్షించుకోవాలన్నారు.

వాషింగ్టన్, జనవరి 10: మరో పది రోజుల్లో అమెరికా అధ్యక్ష పదవి నుంచి వైదొలగనున్న బరాక్ ఒబామా నిరుద్యోగిగా ఉండాల్సిన అవసరం లేదు. జనవరి 20న డొనాల్డ్ ట్రంప్ కొత్త అధ్యక్షుడిగా ప్రమాణం చేసిన అనంతరం వైట్‌హౌస్‌ను విడిచిపెట్టిన తరువాత ఒబామాకు కనీసం ఒక ఉద్యోగమైతే గ్యారంటీగా దొరికేట్లు కనిపిస్తోంది. ప్రముఖ మ్యూజిక్ కంపెనీ స్పూటిఫైనుంచి ఆఫర్ వస్తుందని ఆశిస్తున్నట్లు ఇటీవలే ఒబామా జోక్ చేశారు.