ఇస్లామాబాద్, డిసెంబర్ 7: పాకిస్తాన్ ఇంటర్నేషనల్ ఎయిర్‌లైన్స్ (పిఐఏ)కు చెందిన విమానం ఒకటి బుధవారం అబోటాబాద్ సమీపంలోని హవెలియన్ వద్ద కొండ ప్రాంతంలో కూలిపోవడంతో విమానంలోని 47 మంది చనిపోయారు. స్థానిక కాలమానం ప్రకారం మధ్యాహ్నం 3.30 గంటల ప్రాంతంలో ఖైబర్ ఫక్తూన్‌ఖ్వా రాష్ట్రంలోని చిత్రాల్‌నుంచి ఇస్లామాబాద్‌కు బయలుదేరిన ఈ విమానం కొద్ది సేపటికే రాడార్‌తో సంబంధాలు కోల్పోయింది.

మేరేడు, డిసెంబర్ 7: ఇండోనేసియాలోని అసే రాష్ట్రంలో బుధవారం తెల్లవారుజామున సంభవించిన భారీ భూకంపం తాకిడికి కనీసం 97 మంది చనిపోగా, వందలాది మంది గాయపడ్డారు. సుమత్రా దీవుల్లోని ముస్లింలు అధిక సంఖ్యలో ఉండే ఈ జిల్లాలో జనం తెల్లవారుజాము ప్రార్థనలకోసం సిద్ధమవుతుండగా ఈ భూకంపం సంభవించింది.

కరాచీ, డిసెంబర్ 5: పాకిస్తాన్‌లోని కరాచీలో సోమవారం తెల్లవారు జామున నాలుగు నక్షత్రాల హోటల్‌లో చెలరేగడంతో ఊపిరాడక దాదాపు 11 మంది మృతిచెందగా, మరో 75 మంది గాయపడ్డారు. మృతుల్లో ముగ్గురు మహిళలు కూడా ఉన్నారు. పాక్‌లో అతిపెద్ద నగరమైన కరాచీలో ఇటువంటి ఘటన జరగడం రెండు వారాల్లో ఇది నాలుగోసారి.

ఆక్లాండ్, డిసెంబర్ 4: అమెరికాలో శనివారం దారుణ దుర్ఘటన చోటు చేసుకుంది. శాన్‌ఫ్రాన్సిస్కోకు సమీపంలోని ఓ భవంతిలో జరుగుతున్న రేవ్‌పార్టీలో అకస్మాత్తుగా అగ్నిప్రమాదం సంభవించటంతో దాదాపు 40మంది మరణించారు.