ఇస్లామాబాద్, అక్టోబర్ 22: నవంబర్ నెలాఖరులో పదవీ విరమణ చేయనున్న పాక్ ఆర్మీ చీఫ్ జనరల్ రషీల్ షరీఫ్ స్థానంలో కొత్త ఆర్మీ చీఫ్‌ను ప్రభుత్వం వారం, పది రోజుల్లో నియమిస్తుందని పాక్ సీనియర్ మంత్రి ఒకరు చెప్పారు. కొత్త ఆర్మీ చీఫ్‌గా ఎవరిని నియమించాలనే దానిపై ప్రభుత్వం ఇంకా ఒక నిర్ణయం తీసుకోలేదు కానీ, వారం పది రోజుల్లో ఆయన పేరును ప్రకటిస్తుందని రాజధాని నగరాభివృద్ధి శాఖ మంత్రి తారిఖ్ ఫాజీ చౌదరి చెప్పారు.

మాస్కో, అక్టోబర్ 22: రష్యాలో ఓ హెలికాప్టర్ కూలిపోయిన దుర్ఘటనలో 19 మంది మరణించారు. సైబీరియన్ రీజియన్‌లోని క్రాస్నోయార్క్స్ నుంచి నోవి ఉరెంగాయ్ నగరానికి 22 మందితో ఎంఐ-8 హెలికాప్టర్ వెళుతుండగా గత రాత్రి ప్రమాదం జరిగినట్లు దర్యాప్తు వర్గాలు వెల్లడించాయి. ఈ హెలికాప్టర్ ప్రయాణిస్తూ ఉరెంగాయ్‌కు దాదాపు 80 కి.మీ దూరంలో నెట్‌వర్క్‌తో సంబంధాలు తెగిపోయాయి.

వాషింగ్టన్, అక్టోబర్ 21: అమెరికా అధ్యక్ష ఎన్నికలు సమీపిస్తున్న కొద్దీ డెమొక్రటిక్ పార్టీ అభ్యర్థి హిల్లరీ క్లింటన్, రిపబ్లికన్ పార్టీ అభ్యర్థి డొనాల్డ్ ట్రంప్ తమ ఎన్నికల వ్యయాన్నీ బాగా పెంచుతున్నారు. వివాదాస్పద వ్యాఖ్యల ఫలితంగా స్వంత పార్టీలోనే మద్దతు పడిపోతున్న నేపథ్యంలో ట్రంప్ ఆగస్టు నెలలో చేసిన వ్యయంతో పోలిస్తే సెప్టెంబర్ నెలలో రెండింతలకు పైగా ఖర్చు చేశారు.

లాస్ వెగాస్, అక్టోబర్ 20: అమెరికా అద్యక్ష ఎన్నికల్లో ఒక వేళ తాను ఓడినా ఓటమిని అంగీకరించేది లేదని రిపబ్లికన్ పార్టీ అభ్యర్థి డొనాల్డ్ ట్రంప్ సంకేతాలిచ్చారు. ఎన్నికలు రిగ్గింగ్ అవుతున్నాయని ఆరోపించారు. అంతే కాదు, అధికార మార్పిడి కోసం అమెరికన్ డెమొక్రాటిక్ కనె్వన్షన్‌ను సాఫీగా జరగనివ్వకుండా చేసేందుకు కూడా ప్రయత్నిస్తున్నారు.