సూళ్లూరుపేట, అక్టోబర్ 4: నెల్లూరు జిల్లా శ్రీహరికోటలోని భారత అంతరిక్ష ప్రయోగ కేంద్రం సతీష్ థావన్ స్పేస్ సెంటర్ (షార్)లో మంగళవారం అంతరిక్ష వారోత్సవాలు ఘనంగా ప్రారంభమయ్యాయి. ఈ కార్యక్రమాన్ని ఎంఆర్ కురుప్ ఆడిటోరియంలో విక్రసింహపురి విశ్వవిద్యాలయ ఉప కులపతి ప్రొఫెసర్ వి.వీరయ్య, షార్ కంట్రోలర్ జెవి.రాజారెడ్డి జ్యోతి ప్రజ్వలన చేసి ప్రారంభించారు.

స్టాక్‌హోం, అక్టోబర్ 3: జపాన్‌కు చెందిన యొషినొరి ఒహ్‌సుమిని సోమవారం వైద్యశాస్త్రంలో నోబెల్ బహుమతి వరించింది. మానవ శరీరంలో జీవకణాలు తమను తాము క్షీణింపచేసుకునే ప్రక్రియ (ఆటోఫాజి)పై చేసిన అధ్యయనానికి గాను యొషినోరికి నోబెల్ బహుమతి దక్కింది. ఆటోఫాజి అంటే జీవకణాలు పనిచేయడానికి సంబంధించిన ప్రాథమిక ప్రక్రియ. ఈ ప్రక్రియ ప్రభావం మానవ ఆరోగ్యంపై, వ్యాధులపై ఉంటుంది.

వాఘా, అక్టోబర్ 2: భారత్, పాకిస్తాన్‌ల మధ్య ఉన్న వాఘా-అటారీ సరిహద్దు పోస్టు వద్ద ప్రతిరోజూ సాయంత్రం జరిగే బీటింగ్ రిట్రీట్‌కు ఓ ప్రత్యేకత ఉంది. సూర్యాస్తమయం సమయంలో ఇరుదేశాల ఉమ్మడి సరిహద్దు మార్గం అయిన ఈ పోస్టును మూసివేసే ముందు సరిహద్దును కాపలా కాసే బిఎస్‌ఎఫ్, పాకిస్తాన్ రేంజర్స్ జరిపే ఈ కవాతును తిలకించడానికి ఇరువైపులనుంచి పెద్ద సంఖ్యలో జనం రోజూ వస్తుంటారు.

బీజింగ్, అక్టోబర్ 2: మరో నాలుగేళ్ల కాలంలో చైనా జనాభాలోని 17 శాతం మంది 60ఏళ్లు పైబడిన వృద్ధులే కాబోతున్నారు. అంటే 2020 నాటికి చైనా జనాభాలో వృద్ధుల సంఖ్య 240 మిలియన్లకు చేరుకుంటుందని తాజాగా జరిపిన ఓ అధ్యయనంలో స్పష్టమైంది. దీనివల్ల చైనా ఆరోగ్య వ్యవస్థపైన తీవ్ర ప్రభావం పడుతుందని, అదే విధంగా కార్మికుల సంఖ్య కూడా గణనీయంగా తగ్గిపోతుందని ఈ సర్వే స్పష్టం చేసింది.