వాటికన్ సిటీ, సెప్టెంబర్ 28: అలెప్పోలో బాంబు దాడులకు పాల్పడిన వ్యక్తులు ఏదో ఒక రోజు దేవునికి సమాధానం చెప్పుకోవల్సి ఉంటుందని పోప్ ఫ్రాన్సిస్ స్పష్టం చేశారు. హింసకు పాల్పడడం, ప్రోత్సహించడం రెండూ తీవ్రమైన తప్పిదాలేనని బుధవారం ఆయన వ్యాఖ్యానించారు. సెయింట్ పీటర్స్ స్క్వేర్‌లో పోప్ మాట్లాడుతూ ‘బాంబుదాడికి ఎవరైతే బాధ్యులో వారు దేవుడికి సమాధానం చెప్పుకోల్సి ఉంటుంది’ అని అన్నారు.

ఢాకా, సెప్టెంబర్ 28: ఇస్లామాబాద్‌లో జరగాల్సిన ఎనిమిది దేశాల సార్క్ సదస్సు నిర్వహణ దాదాపు అనుమానంలో పడింది. సదస్సులో భాగస్వామ్యం కావటం లేదంటూ భారత్ ప్రకటించిన కొద్ది గంటల్లోపే పాకిస్తాన్ మినహా మిగతా ఆరు దేశాలూ స్పందించాయి. బంగ్లాదేశ్, భూటాన్‌లతోసహా అన్ని సభ్య దేశాలూ పాకిస్తాన్ వైఖరినే తప్పుపట్టాయి. తాము సదస్సును బహిష్కరించటానికి పాకిస్తానే కారణమని బంగ్లాదేశ్ ప్రభుత్వం స్పష్టం చేసింది.

ఇస్లామాబాద్, సెప్టెంబర్ 27: మైనార్టీ హిందువుల వివాహాలను రిజిస్టర్ చేసుకునే వీలు కల్పిస్తూ పాకిస్తాన్ పార్లమెంట్ ఓ చారిత్రక జాతీయ చట్టాన్ని ఆమోదించింది. హిందువుల కనీస వివాహ వయస్సును 18ఏళ్లుగా నిర్ణయించింది. మిగతా మతాలకు చెందిన వారిలో పురుషులు వివాహం చేసుకోవడానికి కనీస వయస్సు 18కాగా మహిళలకు పదహారు సంవత్సరాలు.

అమెరికా అధ్యక్ష ఎన్నికల తొలి ముఖాముఖిలో డెమొక్రటిక్ పార్టీ నామినీ హిల్లరీ హిట్ కొట్టింది. తొట్టతొలి డిబేట్‌లో రిపబ్లికన్ అభ్యర్థిని లక్షలాదిమంది సమక్షంలో చిత్తుచేసింది. నిన్న మొన్నటి వరకూ ఎవరిదారిలో వారు ప్రచారం చేసుకుంటూ వచ్చిన వీరిద్దరూ ఎదురుబదురుగా అనేక జాతీయ అంశాలపై చర్చించారు. ట్రంప్ తనదైన శైలిలో వ్యక్తిగత దాడులకు దిగినా హిల్లరీ