పెషావర్, జనవరి 20: పాకిస్తాన్‌లో కల్లోలిత ఖైబర్-్ఫక్తూన్‌ఖ్వా రాష్ట్రంలోని ప్రతిష్ఠాత్మక బచాఖాన్ యూనివర్సిటీపై బుధవారం భారీ ఆయుధాలు ధరించిన తాలిబన్ ఆత్మాహుతి బాంబర్లు దాడి చేసి తరగతి గదులు, హాస్టళ్లలోని విద్యార్థులు, అధ్యాపకులపై విచక్షణా రహితంగా కాల్పులు జరపడంతో కనీసం 25 మంది చనిపోగా, మరో 50 మందికి పైగా గాయపడ్డారు.

వాషింగ్టన్/వియన్నా, జనవరి 17: అమెరికా, ఐరోపా సమాజాలు ఇరాన్‌పై విధించిన ఆంక్షలను ఆదివారం ఎత్తివేసాయి. ఇరాన్ అణ్వస్త్రాలను అభివృద్ది చేయకుండా నిరోధించడానికి రూపొందించిన చరిత్రాత్మక ఒప్పందం కింద అన్ని హామీలను ఆ దేశం నెరవేర్చిందని ఐక్యరాజ్య సమితి అణు నిఘా సంస్థ (ఐఎఇఏ) ధ్రువీకరించిన తర్వాత అమెరికా, ఇయు దానిపై విధించిన ఆంక్షలన్నిటినీ ఎత్తివేస్తున్నట్లు ప్రకటించాయి.

వాషింగ్టన్, జనవరి 17: అంతరిక్షంలో మొట్టమొదటిసారిగా ఒక పువ్వును విజయవంతంగా పూయించి అమెరికా వ్యోమగామి స్కాట్ కెల్లీ చరిత్ర సృష్టించాడు. అమెరికా దక్షిణ, పశ్చిమ ప్రాంతాల్లో సాధారణంగా కనిపించే ఆరంజ్ జినియా పువ్వును కెల్లీ అంతర్జాతీయ అంతరిక్ష కేంద్రం (ఐఎస్‌ఎస్)లో విజయవంతంగా పెంచడమే కాదు, పూర్తిస్థాయిలో వికసించేలా చేసాడు.

వాషింగ్టన్, జనవరి 14: భారత్‌లో ఆధార్ కార్డులను ప్రవేశపెట్టడాన్ని, వాటివల్ల వస్తున్న సత్ఫలితాలను ప్రపంచ బ్యాంకు ప్రశంసించింది. ఆధార్ కార్డులను ప్రవేశపెట్టడం వల్ల దేశంలో అవినీతి తగ్గిందని, ఫలితంగా భారత ప్రభుత్వానికి ఏటా సుమారు ఒక బిలియన్ డాలర్లు (రూ.650 కోట్లు) ఆదా అవుతోందని ప్రపంచ బ్యాంకు వెల్లడించింది.