ఎవరైనా చాలా కష్టాలు పడుతుంటే సీతమ్మ తల్లిలాగా కష్టాలు పడుతున్నారు అంటారు. సీతమ్మ రాముని భార్య. దశరథుని కోడలు. అయోధ్య మహానగారనికి మహారాణి. జనకుని ముద్దుల కూతురు. కాలు కిందపెడితే కంది పోతుందేమో అన్నంత అపురూపంగా గారాబంగా జనకుడు సీతమ్మను పెంచాడు. కోరి పరాక్రమ వంతుడు దశరథుని ప్రాణసమానుడు అయన శ్రీరాముని పిలిచి శివధనుస్సును ఎక్కు పెట్టడం అన్న పరీక్ష పెట్టి మరీ అల్లుడిని చేసుకొన్నాడు.

విష్ణువు కొడుకు బ్రహ్మ, బ్రహ్మ కొడుకు మరీచి, మరీచి కొడుకు కశ్యపుడు, అతిథి కశ్యపుల కొడుకు సూర్యుడు. సూర్యుణ్ణే ఆదిత్యుడు అంటారు. కశ్యప మహర్షికి అదితి- దితి ఇద్దరు భార్యలు. అదితికి దేవతలు, దితికి దైత్యులు జన్మించారు. అధికారం కోసం ఇరువురి మధ్య వైరం వచ్చింది. దేవతలకు ప్రాణ సంకటం వచ్చింది. ఇది గమనించి అదితి కశ్యపులు సూర్యశక్తిని ఉపాసించారు. సూర్యుడు ప్రత్యక్షమై వారిని వరం కోరుకోమన్నాడు.

కలియుగములో పాండ్య మండలము నందలి శ్రీవిల్లిపుత్తూరులో శ్రీ భట్టనాథులు పష్పోద్యానమున తులసీవనమును పెంచుటకై భూమిని తవ్వునప్పుడు భూదేవి చిన్న శిశువుగా ఆవిర్భవించింది. ఆ శిశువును చూచిన నిస్సంతువగు భట్టనాథులు ఆమె భగవానుడు తనకు ప్రసాదించిన సంతానముగా భావించి ఆమెకు ‘‘కోదై’’ అని పేరు పెట్టాడు.

పరాశరభట్టరు అను భాగతోత్తముడు ‘‘నీళాదేవి వక్షస్థలముపై పరున్న శ్రీకృష్ణుని లేపి, వేదములందు చెప్పబడిన అతని మహత్త్వమును చెప్పి ఆత్మ పరతంత్ర భావన బోధించి , తాను ధరించి విడిచినపూల మాలలో బంధించి పారవశ్యము చెందిన గోదాదేవికి మాటిమాటికి నమస్కరిస్తున్నాను’’ అని చెప్పిన శ్లోకాన్ని చదివి గోదాదేవి రచించి పాడిన తిరుప్పావై రచించిన పాశురాలను అనుసంధానిస్తూ నేటి జనులు గోదాదేవి రంగనాథులను పూజిస్తారు.