S ,7 à 8 RSCA (si SASPAS) et 6 cialis pharmacie cialis rapports de stage.
సబ్ ఫీచర్
మీ ఆనందమే నా ఆనందం
ప్రేమలో అహంకారం గానీ, మాలిన్యంకానీ వుండవు. అది స్వార్థరహితం. సాయి ఏం చేసినా, ఏం చెప్పినా, ఏ ఆలోచన చేసినా అవన్నీ మీకోసమే కాని సాయికోసం కాదు. నా ఒకే ఒక్క కోరిక ఏమిటి? మీ ఆనందమే. మీ ఆనందమే నా ఆనందం. మీ ఆనందంకాక నాకు వేరే ఆనందం లేదు.
‘బహు’మతి
మృదు మధురం
సహేతుకంగా మాట్లాడేవాడు నోరు పారేసుకోవాల్సిన పనేముంది? సాధకుని భాష వౌనమే! ప్రేమతోడి పలకరింపు ఎప్పుడూ మృదుమధురంగానే వుంటుంది. అక్కసు పట్టలేనివాడే అరుస్తాడు. భయపడ్డ వాడు కెవ్వుమంటాడు. వంచకుడు గుసగుసలుపోతాడు. కాని ప్రేమ హాయిగా జోలపాడగలదు. సేద తీర్చగలదు. బాధ నపనయించగలదు. ప్రేమ భాషణ సాధన చేయి. కక్షాకార్పణ్యాల కఠోర భాషణ మరచిపో.
సాధనా ఫలం
విశ్వ కుటుంబం
దేవుడు ప్రేమాస్పదుడు. దేవుని ప్రేమించు. దేవుని సృష్టిని ప్రేమించు. ఇందులో ఎక్కువ తక్కువలు లేవు.
ప్రేమసాగరంలో మునకలు వేయి. సంకుచిత స్వభావాన్నీ, విచారాన్నీ, ద్వేషాన్నీ, ప్రేమ ద్వారానే జయించు. జనన మరణ దుఃఖాలనుండి ప్రేమే రక్షిస్తుంది. మనసులను కలిపి కట్టే మెత్తని పట్టుతాడది. ప్రేమతో చూస్తే సర్వం సత్యం, శివం, సుందరమే!
ఆలోచిస్తే, ప్రపంచమంతా ఒక పెద్ద కుటుంబం!
ప్రేమ, ప్రశాంతులకు ప్రతీక
అనంతుని అనేక పేర్లలో ఎల్లవేళలా ఏదోవొక పేరునే మీరు స్మరించండి! ధ్యానించండి! ఆయన అవతారాలలో ఏదో ఒక మూర్తిని అర్చించండి! మీరు ప్రేమను విస్తరించండి! ఈర్ష్యాద్వేషాలు తొలగిపోతాయి. మీలో మీరాయనను దర్శించినట్లే. అందరిలోనూ మీరు అర్పించే అవతారమూర్తినే దర్శించగలుగుతారు. ప్రేమ, శాంతి, ఆనందాలకు ప్రతీకగా రూపొందుతారు.
ప్రేమయే నావ
శ్రీకృష్ణుడు ఒకసారి నిద్ర నటిస్తున్నాడు. ఆయన మురళి ఒకప్రక్క జారిపోయి పడివుంది. ఇంతలో రాధ వచ్చింది. మురళితో యిలా అంది. ‘మురళీ! నీవు గోపాలకృష్ణుని అధరామృతాన్ని ఆస్వాదించేందుకు ఏమి పూజలుచేశావు? ఏఏ నోములు నోచావు? ఏఏ యాత్రలు చేశావు? అని.