ఇండియన్ ఒపీనియన్, యంగ్ ఇండియా, నవజీవన్ పత్రికలకు గాంధీ సంపాదకత్వం వహించాడు. ఆయన వాటిని తన స్వంత ముద్రాణాలయంలో ముద్రించి, ప్రచురించాడు. ఇతరుల యాజమాన్యంలో నడిచే ముద్రణాలయాలమీద ఆధారపడితే తన అభిప్రాయాలను స్వేచ్ఛగా వ్యక్తం చేయలేనని ఆయనకు తెలుసు. ఇండియన్ ఓపీనియన్ వారపత్రిక బాధ్యతలు ఆయన స్వీకరించినపుడు అది నష్టాలలో ఉంది.

తన సహాయులవల్ల కానీ, ఉప సంపాదకులవల్ల కానీ, రిపోర్టర్ల వల్ల కానీ, కంపోజిటర్‌వల్ల కానీ, ప్రూఫ్ రీడరువల్లకానీ తప్పు జరిగితే, సాంకేతిక కారణాలవల్ల పత్రిక విడుదలలో ఆలస్యం జరిగితే దానికి సంపాదకుడే బాధ్యత వహించాలని ఆయనకు తెలుసు. ఆయన సంపాదకత్వంలోని ఏ పత్రికా ఆయన భారతదేశంలో ఉన్నా, బర్మాలో వున్నా, శ్రీలంకలో ఉన్నా, ఇంగ్లాండులో వున్నా ఆయన రాయవలసిన దానివల్ల ఎప్పుడూ ఆలస్యంగా విడుదల కాలేదు.

ఆయనకు పేరు లేని లేఖలంటే ఇష్టం ఉండేది కాదు. కానీ సంపాదకునికి లేఖలలో తీవ్రమైన విమర్శలొచ్చినా ప్రచురించేవాడు.

ఘనమై యొప్పగ నయ్యవంతి పురి బ్రాకామ్యత్వ వాల్లభ్యముల్
మొనపున్ సజ్జన కోటికిన్ పరమవౌ మోక్షంబు రక్షించు తా
తన భక్తాళి నకాల మృత్యుకృత సరిత్రాసమ్ము పోద్రోలి- పా
యని రక్తిన్ పరమేశు వేడెద భయాహర్తన్ మహాకాలునిన్