‘వ్యాసం వసిష్ఠ నప్తారం శక్తేః పౌత్రమ కల్మషం
పరాశరాత్మజం వందే శుకతాతం తపోనిథిమ్’

నీవు ఇంద్రాది దేవతలు కలిసియే నా స్వయంవర ప్రదేశానికి విచ్చేయండి.
‘‘ఓ మనుజేశ్వరా! ఆ స్వయంవరములోనే, ఇంద్రాదిదేవతల సమక్షంలోనే పురుషశ్రేష్ఠుడవైన నిన్నునేను వరిస్తాను. అలాంటప్పుడు ఏ దోషము ఉండదుగదా? కాబట్టి నీవు ఏమాత్రము సంకోచించకుండా తిరిగి వెళ్ళగలవు అని నా ప్రార్థన’’అని పలికింది దమయంతి.

ఏమి కాంతి? ఏమి కాంతి? ఏమి కాంతియో అయ్యది?
ఏమి రాగమేమి రాగ? మేమి రాగమో అయ్యది?

తొడవులు మెరసిన యట్టుల ఒడలెల్లను మెరిసెను
తానే హరిపదములందు తొడవై భాసిల్లెను.

ఒక విద్యుత్ప్రవాహమ్ము- అణువణువున ప్రాకెను
ప్రత్యణువును పులకించుచు- వరదలెత్తి పోయెను.

కరముల పాదముల కడుగుకానీ రుూ లోకము
తలతో పాదమును కడుగు భాగ్యము బలికబ్బెను.

బలితలపై మోపుటకై వామనుడెత్తెను పాదము
అది పాదమ్మన నొప్పునె? అభయామృతహస్తము.

ఒక కుంకుమ రాశి యనగ- ఒక పగడపు దీవి యనగ
ఒక మంగళహారతి యన- దివ్యాంగన చెక్కిలియన

ఒక ఎర్రని మణులరాశి- ఒక పెదవుల రాగమ్ము
ఒక దివ్వెల తోరణమ్ము- ఒక చందన సౌందర్యము

ఒక మణిమయ విలాసమ్ము- ఒక బంగరు కిరీటమ్ము
ఒక తేజోపుంజమ్ము- అనదోచెను పాదమ్ము.