కందుకూరివారు సైన్స్ కూడా రాశారా? - అనే ప్రశ్న ఎదురుకావచ్చు. అది ప్రశ్నించినవారి పొరపాటు కాదు. వీరేశలింగంగారు విజ్ఞాన సంబంధమైన రచనలు కూడా చేశారని పెద్దగా ప్రచారం లేదు. మూఢనమ్మకాలకు వ్యతిరేకంగా ప్రహసనాలు రాశారు కనుక సైన్స్ రచయితగా పరిగణించి ఉండవచ్చు అని కూడా ఉజ్జాయింపులు వేసి ఉండవచ్చు. నిజానికి వారు తొలి తెలుగు సైన్స్ రచయిత కూడా! అందులో సందేహం లేదు.

తెలుగు సాహిత్యంతో అంతో యింతో పరిచయమున్న ప్రతి వ్యక్తికీ ‘నోరి’ అనే యింటి పేరు వినగానే వెంటనే తళుక్కున మదిలో ఒక బ్రాహ్మీమయమూర్తి, సదాచార సంపన్నుడు, పరిపూర్ణ జీవనుడూ, గొప్ప చారిత్రక నవలలను తెలుగు ధాత్రికి అందించిన శ్రీ నరసింహశాస్ర్తీగారే మెదులుతారు. ‘నోరి’వారు వృత్తిరీత్యా న్యాయవాది అయినా ప్రవృత్తిరీత్యా గొప్ప సాహితీవేత్త.

పఠాభి అనగానే ‘్ఫడేల్ రాగాల డజన్’తోపాటు ‘కయిత నా దయిత’ కూడా చెప్తారు. పన్‌చాంగమ్ సరే. నిత్య నూతన ప్రయోగాలను ఇష్టపడే తిక్కవరపు పట్ట్భారామారెడ్డిని కేవల ఛందోరీతుల బందోబస్తులను కాదని భాషారీతులను ఎలా వాడేడో చెప్పడంమీదే ఎక్కువ చర్చ జరిగింది.

అనగా ‘‘పుణికి తెచ్చిన తావుల పూలగుత్తి’’ యన్నమాట. ఎప్పుడో కొన్ని ఏళ్ళక్రితము ఆయా ఋతువులాగమించిన యప్పుడు రంగు కుంచె విదల్పున బొమ్మ కట్టిన అక్షరాత్మలు. నాజూకు లెన్నియో పోగుపడిన సొబగు చాయల మేల్కవనంపు సొంపులు నాదామృతమయమైన తెలుగు ఋతువులై తనివి స్వరములూదిన వైశ్వనాధీయ వివరనాళిక. వనె్నదిద్దించుకున్న వార్షిక భూషలు. ఒక్కటొక్కటెగా ఋతువులు నిలద్రొక్కుకునే కాలము కేవలము రెండు నెలలు.