మనిషితోపాటే కథ పుట్టింది. జీవితం ఎన్ని మలుపులు తిరిగితే సాహిత్యం కూడా అన్ని మలుపులు తిరగక తప్పదు. తెలుగు జీవితాన్ని అంటిపెట్టుకొని ఎన్నో మెలికలు తిరిగిన సాహిత్య ప్రక్రియ తెలుగు కథానిక అంటారు పురాణం సుబ్రహ్మణ్యశర్మ, వాకాటిగార్లు. దిద్దుబాటుతో తొలి కథకు శ్రీకారంచుట్టిన మహాకవి గురజాడ మొదలు వర్తమాన కథకులవరకు వందలాది కథకులు వేలాది కథలను తెలుగు దేశానికి అందించి తెలుగుతేజాన్ని దశదిశలా వ్యాపింపజేశారు.

రవీంద్రుని శతవార్షిక జయంతి వత్సరములో ఆయన ప్రతిభ అనేక విధాల ద్యోతకం చేయడానికి అన్ని దేశాలలోను ప్రయత్నము జరిగినది. భారతదేశంలో అన్ని ప్రాంతాలలోను సంవత్సరంపాటు, కవి రవీంద్రుని స్మృతిచిహ్నంగా ఎన్నో భవనములు నిర్మించారు. ఉత్సవములు జరిపారు. ఉపన్యాసాలు చేశారు. నాటకములు వేయించారు. నవగీతాలు ఆలాపించారు. ఆయన గ్రంథావళిని వివిధ భాషల లోనికి అనువాదం చేయించారు.

భారత స్వాతంత్య్ర సంగ్రామంలో పాల్గొని, ఉమ్మడి మద్రాసు రాష్ట్ర ముఖ్యమంత్రిగా పరిపాలనా దక్షతతో బాధ్యతలను నిర్వర్తించి, రాజనీతి కుశలతను ప్రదర్శించి, ఒరిస్సా గవర్నరుగా ఉన్నత పదవులను అలంకరించి రాజపాళయ తెలుగు రాజవంశస్థుల గరిమను ప్రపంచానికి చాటిన రాజకీయవేత్త కుమారస్వామి రాజు.

అన్నింటా పురుషాధిక్యమే యుండిన ఆ కాలంలో విద్య, వైద్య, రాజకీయం, సాంఘిక రంగాలలో ముందడుగు వేసి, మహిళా లోకానికి అపారమైన సేవలందించిన బహుముఖ ప్రజ్ఞాశాలి, బహువిధ సేవకురాలైన డాక్టర్ ముత్తులక్ష్మిరెడ్డి గుఱించి తమిళనాట తెలియని వారుండరు. సాంఘిక సంస్కరణోద్యమంలో కూడా పాల్గొని రాణించిన మహిళా నాయకమణి ముత్తులక్ష్మి. ముత్తులక్ష్మి 1886 జూలై 30న పుదుకోటలో జన్మించారు. తండ్రి నారాయణస్వామి, తల్లి చంద్రమ్మ.