‘‘రోమన్ ప్రభుత్వం తరఫున, రోమన్ సామ్రాజ్యానికి సర్వాధికారినైన నేను-జూలియస్ సీజర్, రుూ కింది విషయాలను వివరిస్తూ, ఈనాడు రుూ ఆజ్ఞాపత్రాన్ని విడుదల చేస్తున్నాను.
‘‘అనేక సంవత్సరాలుగా రోమ్‌కూ, ఈజిప్టుకూ మైత్రి ఉన్నది. రోమ్ ఈజిప్టునుంచి ఆశించిందేమీ లేదు. ఈజిప్టు కష్టాల్లో వుండగా నిలబడి, దేశంలో శాంతిభద్రతలు నెలకొల్పేందుకుగాను రోమ్ ఎంతో సహాయపడుతూ వచ్చింది.

‘‘ప్రభూ దొంగను దొంగే పట్టగలడు కదా! ప్రణయారాధకురాలిగా నేను, ప్రణయారాధకుని మనఃస్థితిని తెలుసుకోలేనంత పిచ్చిపిల్ల ననుకున్నారా?’
తనకు దొరికింది ముడిరత్నమనుకున్నాడు సీజర్. కాని, రుూమె మెరుగులు దిద్దుకొని, ధగధగా మెరిసిపొయ్యే రత్నమేనని గ్రహించాడు. అంతేకాదు, వజ్రం వజ్రాన్ని కోయగలదంటారు. ఆ విధంగా రుూమె సాంగత్యంతో తాను మెరుగులు దిద్దుకోవలసిన అవసరమున్నదని ఆయన గ్రహించాడు.

కొంచెం ఆలోచించి, బహుశా ఈ ఏర్పాట్లు మధ్యాహ్నమే జరిగి ఉంటవి. తాను గదిలోనుంచి బైటికి రాకుండటంవల్ల సేవకులందరూ వేచి ఉండొచ్చనుకున్నాడు. ఐతే క్లియోపాత్రా ఎక్కడ? ఈ రాజప్రాసాదంలో ఎన్ని గదులున్నవో కూడా తెలియదు. ఆమెను చూడాలని తహతహలాడే మనస్సు ఆమె ఎక్కడున్నదో వెతికేందుకు నిరాకరిస్తోంది.
‘‘క్లియోపాత్రా ఎక్కడ?’’ అన్నాడు సీజర్, తనకు దగ్గిర్లో వున్న బానిసను.

ఆమె దేశద్రోహిగా ముద్రింపబడింది. ఈ అభిప్రాయం తమకు లేకపోవచ్చు. తమ సేనానులమైన మాకు లేకపోవచ్చు. కాని ఆమె ఈజిప్షియన్ కనుక, ఆమె నేరాలను విచారించే హక్కు ఈజిప్షియన్ చట్టాలకే ఉంటుంది.’’
‘‘కాని ఈప్టు రోమన్ అధికారాలకు లోబడి ఉన్నది కదా?’’ అన్నాడు సీజర్. ఎలాగైనా క్లియోపాత్రా మీద ఈగ వాలకుండా చూడాలని ఆయన ప్రయత్నిస్తున్నాడని అర్థవౌతోంది.