S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
చ.పరమదయానిధే పతితపావననామ, హరే యటంచు సు
స్థిరమతులై సదా భజనచేయు మహాత్ముల పాదధూళి నా
శిరమునఁ దాల్తు మీరటకుఁ జేరకుఁడంచు యముండు కింకరో
త్కరముల కానబెట్టునట, దాశరథీ కరుణాపయోనిధీ.
దాశరథి శతకం
*
ఉ.ముప్పునఁ గాలకింకరులు ముంగిట నిల్చినవేళ, రోగముల్
గొప్పరమైనచో గఫము కుత్తుకనిండినవేళ, బాంధవుల్
గప్పినవేళ, మీస్మరణ గల్గునొ, గల్గదొ నాటికిప్పడే
తప్పక చేతు మీభజన, దాశరథీ, కరుణాపయోనిధీ.
*
దాశరథి శతకం
*
చ.హరునకు నవ్విభీషణున కద్రిజకుం దిరుమంత్రరాజమై
కరికి నహల్యకున్ ద్రుపదకన్యకు నార్తిహరించు చుట్టమై
పరగినయట్టి నీ పతితపావననామము జిహ్వపై నిరం
తరము నటింపఁజేయుమిఁక దాశరథీ కరుణాపయోనిధీ.
*
ఉ.దారుణపాతకాబ్దికి సదా బడబాగ్ని భవాకులార్తివి
స్తారదవానలార్చికి సుధారసవృష్టి దురంతదుర్మతా
చారభయంకరాటవికి చండకఠోరకుఠారధార నీ
తారకనామమెన్నుకొన దాశరథీ కరుణాపయోనిధీ.
దాశరథి శతకం
*
చ.తరణికులేశ, నా నుడులఁ దప్పులు గల్గిన నీదునామస
ద్విరచితమైన కావ్యము పవిత్రముగాదె? వియన్నదీజలం
బరుగుచు వంకయైన మలినాకృతిఁ బారినఁ దన్మహత్త్వముం
దరమె గణింప నెవ్వరికి? దాశరథీ, కరుణాపయోనిధీ.
దాశరథి శతకం
*
చ.గురుతరమైన కావ్యరసగుంభన కబ్బురమంది ముష్కరుల్
సరసులమాడ్కి సంతసిలఁ జాలుదురోటు శశాంకచంద్రికాం
కురములకిందుకాంతమణికోటి స్రవించినభంగి వింధ్యభూ
ధరమున జారునే శిలలు? దాశరథీ కరుణాపయోనిధీ.
దాశరథి శతకం
*
ఉ.శ్రీరఘువంశతోయధికి శీతమయూఖుఁడవైన నీ పవి
త్రోరుపదాబ్జముల్ వికసితోత్పలచంపకవృత్తమాధురీ
పూరితవాక్ప్రసూనములఁ బూజలొనర్చెదఁ జిత్తగింపుమీ,
తారకరామ, భద్రగిరి దాశరథీ కరుణాపయోనిధీ.
చ.కనకవిశాలచేల, భవకాననశాతకుఠారధార, స
జ్జనపరిపాలశీల, దివిజస్తుత సద్గుణకాండ, కాండసం
జనిత పరాక్రమక్రమ విశారద, శారదకందకుందచం
దనఘనసారసారయశ, దాశరథీ కరుణాపయోనిధీ
చ.దురితలతాలవిత్ర, ఖరదూషణకాననవీతిహోత్ర, భూ
భరణకళావిచిత్ర, భవబంధ విమోచన సూత్ర, చారుని
స్ఫురదరవిందనేత్ర, ఘనపుణ్యచరిత్ర, వినీలభూరికం
ధరసమగాత్ర, భద్రగిరి దాశరథీ కరుణాపయోనిధీ.
ఉ.శ్రీరమణీయహార యతసీకుసుమాభశరీర, భక్త మం
దార, వికారదూర, పరతత్త్వవిహార, త్రిలోకచేతనో
ద్ధార, దురంతపాతకవితానవిదూర, ఖరాదిదైత్యకాం
తారకుఠార, భద్రగిరి దాశరథీ, కరుణాపయోనిధీ.