S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
అందెలు గజ్జెలు మ్రోయగ
చిందులు ద్రొక్కుచును వేడ్క చెలువారంగా
నందుని సతి యా గోపిక
ముందర నాడుదువు మిగుల మురియుచు
అల్ల జగన్నాథుకు శ్రే
పల్లియ క్రీడార్థమయ్యె పరమాత్మునకున్
గొల్లసతి యా యశోదయు
తల్లియునై చన్ను గుడిసె దనరగ కృష్ణా!
అష్టమి రోహిణి ప్రొద్దున
అష్టమ గర్భమున బుట్టి యా దేవకికిన్
దుష్టుని కంసు వధింపవె
సృష్టి ప్రతిపాలనంబు సేయగ కృష్ణా!
పదునాలుగు భువనంబులు
కుదరుగ నీ కుక్షి నిలుపుకొను నేర్పరివై
విదితంబుగ నా దేవకి
యుదరములో నెట్టు లొదిగి యుంటివి కృష్ణా!
ఓ కారుణ్య పయోనిధి
నా కాధారంబ వగుచు నయముగ బ్రోవన్
నాకేల యితర చింతలు
నాకాధిప వినుత! లోకనాయక! కృష్ణా!
భావం; ఓ దయాసముద్రుడా!స్వర్గానికి అధిపతియైన ఇంద్రుని చేత పూజించబడిన వాడా!పదునాలుగు భువనములకు అధిపతి యైనవాడా!నాకు ఆధారమైనవాడా! నన్ను ఎల్లవేళలా నీవు కంటికి రెప్పవలె కాపాడుతుండగా నాకు అన్యచింతనలేల? నాకు ఇతరముల గురించి ఆలోచింపనవసరము లేదు.
శ్రీకృష్ణ శతకములోని పద్యము
వేదంబులు గన నేరని
ఆది పరబ్రహ్మమూర్తి వనఘ మురారీ
నా దిక్కు చూచి కావుము
నీ దిక్కే నమ్మినాడ నిజముగ కృష్ణా!
భావం: పుణ్యాత్ముడా! మురాసురునికి శత్రువై అతనిని వధించినవాడవు, వేదములకు కూడా అంతుబట్టని వాడివి, జగత్తుకు ఆదియైన పరబ్రహ్మవు, నీవు నాదిక్కు చూచి నన్ను కావుము. నా మీద దయతో నన్ను చూచి సంరక్షింపుము. నాకు నీవే దిక్కు.
శ్రీకృష్ణ శతకములోని పద్యము
నందుని ముద్దుల పట్టిని
మందర గిరి ధరుని హరిని మాధవు విష్ణున్
సుందర రూపుని మునిగణ
వందితు నినుదలతు భక్తవత్సల కృష్ణా!
భావం: భక్తులయందు అపారమైన వాత్సల్యము గలవాడు, నందుని గారాల తనయుడు, మందరమను పర్వతమును ధరించినవాడు, పాపములను హరించువాడు, లక్ష్మీదేవికి భర్తయైన వాడు. సర్వవ్యాపకుడు, మునుల సమూహం చేత స్తుతించబడు వాడు ఐన కృష్ణుని నేను స్మరిస్తున్నాను.
అక్రూర వరద! మాధవ
చక్రాయుధ! ఖడ్గపాణి! శౌరి!ముకుందా!
శక్రాది దివిజసన్నుత
శుక్రార్చిత ! నన్ను కరుణ జూడుము కృష్ణా!
చిలుక నొక రమణి ముద్దుల
చిలుకను శ్రీరామ యనుచు శ్రీపతి పేరం
బిలిచిన మోక్షము నిచ్చితి
వలరగ మిము దలచు జనులకరుదా కృష్ణా!
హరియను రెండక్షరములు
హరియించును పాతకముల నంబుజనాభా!
హరి నీ నామ మహత్త్వము
హరి హరి పొగడంగ వశమె హరి శ్రీకృష్ణా!
భావం: పద్మము నాభిగా గలిగినా ఓ కృష్ణా! హరి అనే రెండు అక్షరాలే పాపములను హరిస్తాయి. హరి హరి అని రెండు సార్లు నీ నామాన్ని పలికిన వారికి ఇక కొదువ ఏముంటుంది. నీ మాహాత్మ్యాన్ని చెప్పడానికి బ్రహ్మకైనా వశము కాదు.
శ్రీకృష్ణ శతకములోని పద్యము