మ అమరన్ భక్తులకెల్ల నీవ హృదయంబై యుండుటన్ వారి సౌ
ఖ్యము నీ సౌఖ్యము, వారి కూర్మియు సమగ్రంబైన నీకూర్మి త
త్త్వము భావింపగ వారి కోపము భవత్ప్రఖ్యాత రౌద్ర ప్రభా
వము, దావారల వాక్య నిర్ణయము నీ వాక్యంబు సర్వేశ్వరా!

మ ప్రకటింపంగ సమస్త పాతకములం బాపంగ నీ పూజయం
దొక పుష్పాంశము చాలునన్న మహిలో నూహింపగా నీ పదా
ర్చకులే మార్గమునందు శుద్ధులు మదిం జర్చింప దద్గుర్గుణ
ప్రకరం బెనె్నడివాడు లోకములలో పాపిష్ఠి సర్వేశ్వరా!

మ ఘనుడై యేచి దశాననుండు బలిమిం గైలాస శైలేంద్ర మె
త్తిన నద్దానవనాధు ద్రొక్క నతడర్థిన్ మ్రొక్కినన్ గాచి ప్రా
క్తన శౌర్యాధికు జేసి దుష్టునణంపగా శిష్టు రక్షింప రం
జనతో నెపుడు వేచియుండు భవదాజ్ఞాశక్తి సర్వేశ్వరా!

శా జ్ఞానజ్యోతి విజృంభమాణముగ నోజన్ విష్ణు విద్యాది దే
వానీ కాత్మ దశావళిం దవిలి నీవారంగ వారిం గళా
జ్ఞాన ప్రౌఢుల జేయుటన్ వెలయగ సర్వజ్ఞ శబ్ద బుదా
నీ నామాంకముగా విధించె నిగమానీకంబు సర్వేశ్వరా!