సీ. ధర్మార్థ కామ సాధన కుపకరణంబు గృహనీతివిద్యకు గృహము విమల
చారిత్ర శిక్ష కాచార్యకం బన్వయ స్థితికి మూలంబు పద్ధతికి మాఁత
గౌరవంబున కేకకాణం బున్నత స్థిర గుణ మణుల కాకరము హృదయ
సంతోషమునను సంజనకంబు భార్యయ చూవె భర్తకు నొండ్లు గావు ప్రియము
ఆ. లెట్టి ఘట్టములను నెట్టి యాపదలను
నెట్టి తీరములను ముట్టబడిన
వంతలెల్లఁ బాయు నింతులఁ బ్రజలను

క. నా యెఱిఁగినట్ల యిన్నియు
నీ యిచ్చిన వరము ధారుణీ వర యెఱుఁగున్
నాయందు ఁ దొంటి యట్టుల
చేయు మను గ్రహ మవజ్ఞ సేయం దగునే!
భావం: ఓ రాజా! నీ విచ్చిన వరాన్ని గురించి నా కెట్లా తెలియునో ఆ విధంగానే వేదాలు మొదలైన మహాపదార్థాలకు కూడా తెలియును. కాబట్టి నా పట్ల వెనుకటి వలెనే అనురాగాన్ని ప్రసాదించుము. నన్ను అవమానించటంతగునా? తగదని శకుంతల చెప్తోంది.

క ఏ నెఱుఁక నిన్ను నెక్కడి
దానవు? మిన్నకయ యను చితంబులు పలుకం
గానేల యరుగు మంబురు హాసన
యెందుండి వచ్చి తందులకు వడిన్
భావం: పద్మముఖీ! నిన్ను నేను ఎరుగను. నీ వసలు ఎవరవుః ఊరకే ఒప్పని మాటలు మాటలాడుతావెందుకు? ఎక్కడ నండి వచ్చావో అక్కడికి తిరిగి వెళ్లుము.
ఆ. ఏల యెఱుక లేని యితరుల యట్ల నీ
నెఱుఁగ ననుచుఁ బలికె దెఱిఁగి యెఱిఁగి

చ. తలఁపగ నాఁడు పల్కిన విధం బెటఁ దప్పఁగ వీడె నొక్కొ చూ
డ్కులు విరసంబులై కరము క్రూరము లైన నిమిత్త మేమియో?
కలయఁగఁ బల్కరించి రుపకారులు నైరని నమ్మి యుండఁగా
వలవదు బుద్ధిమంతులు నవప్రియులైన ధరాధినాథులన్