S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

11/16/2018 - 00:58

న్యూఢిల్లీ, నవంబర్ 15: తెలంగాణ శాసనసభకు పోటీచేసే మరో 12 మంది అభ్యర్థుల పేర్లను కాంగ్రెస్ అధినాయకత్వం సిద్ధం చేసింది. అధ్యక్షుడు రాహుల్ గాంధీ గురువారం పీసీసీ అధ్యక్షుడు ఉత్తమ్ కుమార్ రెడ్డి, సీఎల్పీ నాయకుడు కె.జానారెడ్డి, తెలంగాణ ఇన్‌చార్జ్ కుంతియాతోపాటు మిగతా ముగ్గురు కార్యదర్శులతో సమావేశమై మిగతా 19 నియోజకవర్గాల అభ్యర్థుల ఎంపిక గురించి సమాలోచనలు జరిపారు.

11/16/2018 - 00:57

న్యూఢిల్లీ, నవంబర్ 15: ‘అందరికీ న్యాయం చేస్తాం.. పొత్తులు ఉన్నందున సర్దుకుపోక తప్పదు’ అని కాంగ్రెస్ అధ్యక్షుడు రాహుల్ గాంధీ టికెట్లు లభించని తెలంగాణ సీనియర్ నాయకులకు సూచించినట్లు తెలిసింది. రాహుల్ గాంధీ గురువారం సాయంత్రం పీసీసీ మాజీ అధ్యక్షుడు పొన్నాల లక్ష్మయ్య, ఖమ్మం జిల్లా సీనియర్ నాయకుడు పొంగులేటి సుధాకర్ రెడ్డితో మాట్లాడారు.

11/15/2018 - 16:27

తిరువనంతపురం: శబరిమల ఆలయ ప్రవేశంపై రాష్ట్ర ప్రభుత్వం ఏర్పాటుచేసిన అఖిలపక్ష సమావేశంలో ఏకాభిప్రాయం కుదరలేదు. ఈ సమావేశం నుంచి బీజేపీ, కాంగ్రెస్ వాకౌట్ చేశాయి. అనంతరం ముఖ్యమంత్రి విజయన్ విలేకరులతో మాట్లాడుతూ సుప్రీం కోర్టు తీర్పును ఖచ్చితంగా అమలుచేస్తామని అన్నారు. మహిళలకు ప్రత్యేక రోజులు కేటాయించటానికి చర్చలు జరుపుతామని చెప్పారు.

11/15/2018 - 16:23

బెంగళూరు:రాజకీయ దురద్దేశ్యంతోనే తనను అంబిడెంట్ కేసులో ఇరికించారని మాజీ మంత్రి గాలి జనార్థన్ రెడ్డి ఆరోపించారు. నాలుగు రోజులుగా బెంగళూరు పరప్పన్ అగ్రహారం జైలులో ఉన్న గాలి జనార్థన్ రెడ్డి ఈరోజు జైలు ఆవరణలో మీడియాతో మాట్లాడారు. తనకు వ్యతిరేకంగా ఏదో కుట్ర జరుగుతుందని అన్నారు. ముఖ్యమంత్రి కుమారస్వామి తనపై తప్పుడు కేసులు బనాయించారని ఆరోపించారు.

11/15/2018 - 16:20

న్యూఢిల్లీ: ఉత్తర భారతాన్ని హిమపాతం కమ్మేసింది. హిమాచల్ ప్రదేశ్, ఉత్తరాఖండ్, జమ్మూకాశ్మీర్ రాష్ట్రాల్లో విపరీతంగా మంచు కురుస్తోంది. హిమాచల్ ప్రదేశ్‌లోని అనేక ప్రాంతాల్లో కనిష్ట ఉష్ణోగ్రతలు నమోదు అవుతున్నాయి. విపరీతమైన మంచు కురుస్తున్న నేపథ్యంలో హిమాచల్‌ప్రదేశ్, ఉత్తరాఖండ్, జమ్మూకాశ్మీర్ రాష్ట్రాలు అప్రమత్తంగా ఉండాలని కేంద్ర హోం మంత్రిత్వ శాఖ కోరింది.

11/15/2018 - 16:20

ఢిల్లీ:మిజోరం రాష్ట్ర ముఖ్య ఎన్నికల అధికారి శశాంక్‌ను ఆ పదవి నుంచి తొలగించారు. ఆయన స్థానంలో ఐఏఎస్ అధికారి ఆశిష్ కుందాను ఎన్నికల అధికారిగా నియమించారు. త్రిపుర శరణార్థి శిబిరాల్లో ఉండే బ్రూ ఓటర్ల ఓటు హక్కుకు సంబంధించి శశాంక్ తీసుకున్న నిర్ణయం వివాదాస్పదం కావటంతో ఆయనను తొలగించాలని ఆందోళనలు జరుగుతున్నాయి.

11/15/2018 - 13:12

న్యూఢిల్లీ: శబరిమల ఆలయంలోకి అన్ని వయసుల మహిళలు ప్రవేశించవచ్చని సుప్రీం కోర్టు ఇచ్చిన తీర్పుపై స్టే ఇచ్చేందుకు సుప్రీం కోర్టు నిరాకరించింది. ఈ తీర్పుపై దాదాపు 49 రివ్యూ పిటిషన్లు దాఖలైన విషయం విదితమే. ఈ నేపథ్యంలో ఆ రాష్ట్ర ముఖ్యమంత్రి పినరయి విజయన్ అన్ని పార్టీలతో అఖిలపక్ష సమావేశాన్ని ఏర్పాటుచేశారు. ఈ సమావేశంలో అన్ని వయసుల మహిళల ఆలయ ప్రవేశంపై చర్చించనున్నారు.

11/15/2018 - 12:44

న్యూఢిల్లీ: దేశ రాజధాని న్యూఢిల్లీలో భారీ అగ్నిప్రమాదం సంభవించింది. ఈరోజు తెల్లవారుజామున బావానా పారిశ్రామికవాడలోని ఓ కర్మాగారంలో మంటలు చెలరేగాయి. చుట్టుపక్కల ప్రాంతాలకు మంటలు వ్యాపించటంతో 22 ఫైరింజన్లతో అగ్నిమాపక సిబ్బంది మంటలను అదుపులోకి తెచ్చాయి.

11/15/2018 - 12:41

పనాజీ: గోవా ముఖ్యమంత్రి మనోహర్ పారికర్ ఆరోగ్యంపై మరోసారి సోషల్ మీడియాలో వదంతులు రావటంతో ముఖ్యమంత్రి కార్యాలయం స్పందించింది. పారికర్ ఆరోగ్యంగానే ఉన్నారని, ఆయన కోలుకుంటున్నారని కార్యాలయం అధికారి ఒకరు వెల్లడించారు. గత కొంతకాలంగా క్లోమ సమస్యతో బాధపడుతున్న ఆయన ఇటీవల ఎయిమ్స్‌లో చికిత్స పొంది విశ్రాంతి తీసుకుంటున్నారు.

11/15/2018 - 12:40

న్యూఢిల్లీ: దేశ రాజధాని న్యూఢిల్లీలో దారుణం చోటుచేసుకుంది. తమకు వేళకు జీతాలు సరిగా ఇవ్వటం లేదని తమ యజమానురాలిని పనివారు హత్య చేసిన సంఘటన ఇది. ఢిల్లీకి మలా లఖనీ అనే మహిళ నగరంలోని వసంత్‌కుంజ్ ఎన్‌క్లేవ్‌లో నివాసం ఉంటున్నారు. ఫ్యాషన్ డిజైనర్ అయిన మలా లఖనీ (53) ఈరోజు తెల్లవారుజామున హత్యకు గురయ్యారు.

Pages