S ,7 à 8 RSCA (si SASPAS) et 6 cialis pharmacie cialis rapports de stage.
ధర్మసందేహాలు
* అశ్వత్థామకు చిరంజీవిగా ఎవరు వరం ఇచ్చారు?
- కృష్ణకుమారి, నకిరేకల్లు
అశ్వత్థామ తన స్వీయ తపోబలం చేత చిరంజీవిత్వం సాధించినట్లు కనిపిస్తుంది.
* ఒక శూద్రుడు తపస్సు చేయడంవల్ల ఒక బ్రాహ్మణ కుమారుడు మరణించాడనీ, శ్రీరాముడు ఆ శూద్రుని సంహరించగా ఆ బ్రాహ్మణ పుత్రుడు మళ్లీ జీవించాడనీ రామాయణంలో వున్నదట గదా! వివరించగలరు?
* యాగము, హోమము, యజ్ఞము అంటే ఏమిటి?
- ఇ.వి.సంతోష్‌కుమార్, అద్దంకి
ఇంచుమించు ఒకటే గానీ పూర్తిగా ఒకటి కాదు. సంగ్రహంగా చెప్పాలంటే- ఒకే ఒక దేవతను ఉద్దేశించి చేసే అగ్నిపూజను హోమము అంటారు. అంగదేవతా, పరివార దేవతా సమేతంగా ఒక దేవతా బృందం యొక్క ప్రీతికోసం చేసే హోమాన్ని యాగము అంటారు. అనేకమంది ప్రధాన దేవతలను స్వీకరించి, వారికోసం చేసే యాగాన్ని యజ్ఞము అంటారు.
* నిత్య జీవితంలో ఆఫీసు పని మొదలైన కర్మలను చేసుకుంటూనే భగవన్నామ స్మరణం చేసుకోవచ్చా? అందువల్ల సత్ఫలితాలు కలుగుతాయా?
- సి.ప్రతాప్, శ్రీకాకుళం
నిస్సందేహంగా కలుగుతాయి. నిత్య జీవిత వ్యవహారాలను చేసుకునే సమయంలో మనస్సును భగవంతుని మీద లగ్నం చేయాలనే ధర్మ శాస్త్ర గ్రంథాలు, ఉపాసనాగ్రంధాలు ఏకకంఠంగా ఘోషిస్తున్నాయి.
* అమావాస్య తిథికి మెదడు మీద ప్రభావం ఉంటుందా? (డి.వి.ఆర్.సుబ్బారావు, హైదరాబాద్)
* స్ర్తిలు పుట్టింటినుండి మెట్టినింటికి మంగళవారం, శుక్రవారం వెళ్ళరాదంటారు ఎందుకు?
- వి.రామలింగాచారి, యాదగిరిగుట్ట
ఇది ఒక ప్రాంతీయాచారం మాత్రమే. ఆడపిల్ల లక్ష్మీ స్వరూపిణి కనుక లక్ష్మీదేవిని మంగళ శుక్రవారాలలో ఒదులుకోరాదనే భావనతో ఈ ఆచారం ఏర్పడి వుంటుందని పెద్దలు అంటున్నారు.
* ఈ విశ్వమంతకూ మూలాధారం ఎవరు? వనజ,హైదరాబాదు
కుండకు మూలాధారం మట్టి. కుండలానికి మూలాధారం బంగారం. అలాగే ఈ ప్రపంచం మొత్తానికి కారణభూతమైన మూల పదార్థం ఏదో విచారించి తెలుసుకుంటే అదే విశ్వానికి మూలాధారం అని చెప్పవచ్చు. ఆ విచారణ కోసం ఏర్పడినవే ఉపనిషత్తులు. వాటి బోధనల ప్రకారం నిత్య సచ్చిదానంద స్వరూపమైన పరమాత్మ ఈ ప్రపంచానికి మూలాధారం.
* వివాహంలో చదివే మంత్రాలు ఏ వేదం నుంచి తీసుకోబడినివి?
- ఎస్.నాగరాజు, గుంటూరు
ఒక్కొక్క కుటుంబంవారికి ఒక్కొక్క వేదమనే వ్యవస్థను మహర్షులు ఏర్పాటుచేశారు. వారి వారి వివాహాది కర్మలలో వారి శాఖకు సంబంధించిన వేదమంత్రాలు ఎక్కువగా వుంటాయి. ఇదిగాక ఇతర వేద శాఖల నుంచి కూడా అనేక మంత్రాలను తీసుకోవలసి వుంటుంది. వీటిని పరాయాత మంత్రములు అంటారు. వీటిని సూత్రకర్తలైన మహర్షులే నిర్ణయిస్తారు.
*ఇటీవలి కాలంలో అక్కడక్కడ స్ర్తిలు అంత్యక్రియలు చేయటం వింటున్నాము. ఇది శాస్త్ర సమ్మతమేనా?
- ఎస్.హెచ్. శివాజీరావు, హైదరాబాదు
మన ధర్మశాస్త్ర గ్రంథాలలో దీనిని సమర్థించే వాక్యాలేమీ లేవు
* ద్వైత విశిష్టాద్వైత, అద్వైత సిద్ధాంతాలలోని విభేదాలను స్థూలంగా తెలుపగోరెదను - శివ, వరంగల్లు
* ఋషి సంప్రదాయం అంటే ఏమిటి?
- కాట్రగడ్డ వెంకట్రావు, చెన్నై
మహర్షులు రచించిన ఉపాసనా ధర్మశాస్త్రాది గ్రంథాల ద్వారా సంక్రమించిన ఆచార వ్యవహార విధానాలను గానీ ఉపాసనా విధానాలుగానీ ఋషి సంప్రదాయము అంటారు.
* ప్రకృతి పూజలు అంటే ఏమిటో వివరించండి
- లక్ష్మి, హైదరాబాదు