గణనాధా
గణాంకాల కూడికలు
తీసివేతలతో
కాలయాపన చేస్తూ
ఎప్పుడో మంచికాలం వస్తుందని
ఎదురుచూస్తున్న అమాయకులం

ఒక్కటి ఎక్కువైతే తప్పు
ఒక్కటి తక్కువైతే ముప్పు
ఇలా ముప్పతిప్పలు పడుతున్న మాకు
నీ రాక ఎంత ఆనందమో చెప్పలేము

గరిక తీసికొని
గిరినెక్కించే దేవుడా
నిరంతరమూ నిన్ను తలచుకున్నా

గణపతికి ప్రీతికరమైన సంఖ్య 21. అందుకే మనం ఆయనను 21 రకాల పత్రాలతో పూజిస్తాము. ఆధ్యాత్మిక పరంగా పంచభూతాలు ఐదు, పంచజ్ఞానేంద్రియాలు ఐదు, పంచ కర్ణేంద్రియాలు ఐదు, పంచ తన్మాత్రలు ఐదు, మనస్సు ఒకటి. మొత్తం 21. వీటితో కూడిన శరీరాన్ని వినాయక రూపమగు పరబ్రహ్మకు సమర్పించుటయే 21 రకాల పత్రములతో మనం వినాయకునకు చేసే పత్ర పూజ అర్థం. అంతేకాదు, ఈ 21 పత్రాలలో ఔషధీ మహిమ అపారం.

పూతనకు ప్రాణాలు లాగివేస్తున్నట్టు అనిపించింది కూర్చున్న చోటునుంచి వీధిలోకి పరుగెత్తింది. అంతలో పరమాత్మ ప్రాణాలు తోడివేశాడు గట్టిగా ఆర్తనాదం చేస్తూ పుడమిపై పడిపోయింది పూతన. సౌందర్యరాశిగా చిన్ని వయస్సులోని ముగ్ధయైన గోపికగా ఉన్న పూతన భారీకాయంతో, కోరలతో, వికృతాకారంతో నేలపై పడి ప్రాణాలు విడిచింది. ఆ వికృత శరీరిణిపై కూర్చుని ఏమి తెలియని చిన్నారి బాలునిలాగా కృష్ణయ్య చేతులు కాళ్లు ఆడిస్తున్నాడు.

లీలామానుషవేషధారి నందుని కుమారుడుగా నందవ్రజంలో అందరికీ పరిచయం అయ్యాడు. యశోదమ్మ గారాల తనయుడుగా అందరికీ ముద్దుబిడ్డడైనాడు. దేవకీ వసుదేవులకు పుణ్యాల పంటగా, కంసునికి యమవదనంగా చెరసాలలో పుట్టాడు. పుట్టిన తొలినాటి నుంచి అద్భుతసంఘటనలను తెరదీస్తునే ఉన్నాడు. దుష్టులకు కంటిమీద కునుకు లేకుండా చేశాడు.