ఆలమూరు, జూలై 17: మండల కేంద్రం ఆలమూరులోని ప్రాథమిక హెల్త్ న్యూట్రిన్ సెంటర్ (పిహెచ్‌ఎన్‌సి)ను ఆదివారం నుండి తొలగించినట్లు ఆ కేంద్రానికి ఉత్తర్వులు అందాయి. ఈ కేంద్రం గత రెండు సంవత్సరాల క్రితం ప్రారంభించారు. గ్రామీణులకు ఆరోగ్యాన్ని అందించే లక్ష్యంగా ప్రారంభించిన ఈ కేంద్రం ప్రభుత్వ లక్ష్యాన్ని సాధించలేకపోవడంతో అందులో పనిచేస్తున్న సిబ్బందిని పలు ప్రాంతాలకు బదిలీ చేస్తూ ఉత్తర్వులు జారీ అయ్యాయి.

అయినవిల్లి, జూలై 17: ప్రతి విషయం కార్యకర్తలకు చెప్పి చేయాలంటే ఏ పనికి పూర్తిగా న్యాయం చేయలేమని పి గన్నవరం ఎమ్మెల్యే పులపర్తి నారాయణమూర్తి అన్నారు. ఆదివారం ముక్తేశ్వరంలో ఏర్పాటు చేసిన పార్టీ కార్యకర్తల సమావేశంలో ఎమ్మెల్యే దృష్టికి కార్యకర్తలు కొన్ని సమస్యలు తీసుకొచ్చారు. స్థానిక కార్యకర్తలకు తెలియకుండా బయట కార్యకర్తల ద్వారా కొన్ని పనులు జరుగుతున్నాయని ఎమ్మెల్యేను నిలదీశారు.

తిరుపతి, జూలై 17: చనిపోయిన వారి పేర్లతో అనర్హులైన వారికి పింఛన్లు ఇచ్చామంటూ పెద్దతిప్ప సముద్రం కార్యదర్శులు తమ చేతి వాటం ప్రదర్శించి రూ.3.50 లక్షలు గోల్ మాల్ చేశారని వ్యవసాయ కార్మిక సంఘం ప్రధాన కార్యదర్శి వందవాసి నాగరాజు, ఉపాధ్యక్షురాలు జి.అరుణలు ఆరోపించారు.

శ్రీ కాళహస్తి, జూలై 17: వ్యవసాయం చేసే రైతులకు అన్ని విధాలా సహాయపడతామని రాష్ట్ర అటవీశాఖామంత్రి బొజ్జల గోపాలకృష్ణారెడ్డి ఆదివారం హామీ ఇచ్చారు. ఆదివారం తొట్టంబేడు మండలంలో జరిగిన పలు కార్యక్రమాల్లో ఆయన పాల్గొన్నారు. ఈ సందర్భంగా ఆయనమాట్లాడుతూ వరి పంటేకాకుండా ఇతర పంటలను కూడా పండించాలని రైతులకు సూచించారు. వ్యవసాయానికి సంబంధించిన యంత్రసామగ్రి, పనిముట్లను ప్రభుత్వం ద్వారా అందజేస్తామన్నారు.