రాష్ట్రీయం
‘జనగణమన’కు జన్మనిచ్చిన మదనపల్లె
S ,7 à 8 RSCA (si SASPAS) et 6 cialis pharmacie cialis rapports de stage.
నేటితో 105 వసంతాలు
మదనపల్లె, డిసెంబర్ 26: భారతీయతకు నిలువెత్తు రూపమైన మన జాతీయగీతం జనగణమన 104 వసంతాలు పూర్తిచేసుకుని నేడు 105వ వసంతంలోకి అడుగుపెడుతోంది. 1911 డిసెంబర్ 27న కలకత్తాలో జరిగిన భారత జాతీయ కాంగ్రెస్ సమావేశంలో జాతీయగీతాన్ని మొదటిసారిగా ఆలపించారు. జాతీయగీతం వినపించగానే ప్రతి భారతీయుడు అప్రమత్తమై ఎక్కడ ఎలా ఉన్నా తగు గౌరవాన్ని ఇస్తారు. అలాంటి గౌరవాన్ని విశ్వకవి రవీంధ్రనాథ్ ఠాగూర్ కలం నుంచి జాలువారిన అక్షరసుమాలు ప్రేరేపిస్తాయి. బెంగాలీ భాషలో రవీంద్రనాధ్ ఠాగూర్ రాసిన జనగణమన గీతాన్ని ఆంగ్లంలో తర్జుమా చేసి మొదటగా మదనపల్లె బిటి కళాశాలలో ఆలపించారు. స్వాతంత్య్ర సంగ్రామం ఉవ్వెత్తున సాగుతున్న రోజుల్లోనే రవీంద్రనాథుని గీతం స్వాతంత్య్ర వీరులను మరింత ఉత్తేజితులను చేయడమే కాకుండా దీనివల్ల ప్రపంచ చిత్రపటంలో మదనపల్లెకు అపారమైన ఖ్యాతి లభించింది. జాతీయగీతాన్ని రచించడమే కాకుండా సుదీర్ఘ చరిత్ర కలిగిన బిటి కళాశాలలో రవీంద్రనాథుడే ఆ గీతాన్ని మొదటిసారి ఆలపించారు. విశ్వకవి రవీంద్రనాథ్ ఠాగూర్ మదనపల్లె పట్టణం బిసెంట్ థియోసాఫికల్ (బిటి) కళాశాలలో జనగణమణ గీతాన్ని బెంగాల్ భాష నుంచి ఆంగ్లంలోకి అనువదించారు.
ఆ అనువాదంతో పాటు ఆయనే స్వయంగా ఆలపించారు. స్వాతంత్య్ర పోరాటంలో చిత్తూరు జిల్లా మదనపల్లె పట్టణంలో 1913లో అనిబిసెంట్ దివ్యజ్ఞాన కళాశాలను ఏర్పాటు చేశారు. ఇక్కడ విద్యార్థులతో పాటు స్థానికులు స్వాతంత్య్ర ఉద్యమంలో చురుకైన పాత్ర పోషించేవారు. ఈ విషయాన్ని తెలుసుకున్న బ్రిటిష్ ప్రభుత్వం కళాశాలకు మద్రాసు విశ్వవిద్యాలం గుర్తింపు రద్దు చేసింది. అదే సమయంలో నేషనల్ విశ్వవిద్యాలయం వైస్ చాన్స్‌లర్‌గా ఉన్న రవీంధ్రనాథ్ ఠాగూర్ అప్పటి బిటి కళాశాల ప్రిన్సిపాల్ డాక్టర్ కజిన్స్ ఆహ్వానం మేరకు 1919 ఫిబ్రవరి 25న మదనపల్లెకు వచ్చారు.
ఈ సమయంలో ఇండోర్ గేమ్స్, సంగీత పోటీలలో విద్యార్థుల గళం నుంచి జాలువారిన దేశభక్తి గీతాలకు స్పందించిన ఠాగూర్ పోటీల అనంతరం ఆర్ట్స్ రూమ్ (ప్రస్తుతం బిఎ తరగతి గది)లో విశ్రాంతి తీసుకుంటున్న సమయంలో బెంగాలీ భాషలో రాసిన జనగణమణ గీతాన్ని ‘ది మార్నింగ్ సాంగ్ ఆఫ్ ఇండియా’ పేరిట ఆంగ్లంలోకి 1919 ఫిబ్రవరి 28న అనువదించారు. బిటి కళాశాలలో పెద్దఎత్తున జరిగిన పోటీల ముగింపు సమావేశంలో ఈ గీతానికి ప్రిన్సిపాల్ కజిన్స్ సతీమణి మార్గరేట్ కజిన్స్ బాణీలు కట్టి ఆలపించారు. జనగణమన గీతం పట్ల ఉత్తేజితులైన విద్యార్థులంతా తమ గొంతు కలిపారు. నాటి బిటి కళాశాలలో విద్యార్థుల ఆలాపనతో ప్రారంభమైన జనగణమణ గీతం భారతీయుల నోట పలికినంతకాలం మదనపల్లె పేరు చరిత్రపుటల్లో చిరస్థాయిగా నిలిచిపోతుంది.
** రవీంద్రుడు బస చేసిన బిటి కళాశాల ఆవరణలోని భవనం**
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.