రాష్ట్రీయం
ఆఫ్ఘనిస్తాన్ టు గల్ఫ్.. వయా కడప!
S ,7 à 8 RSCA (si SASPAS) et 6 cialis pharmacie cialis rapports de stage.
కడప, జనవరి 23: మాదకద్రవ్యాల అక్రమ రవాణాకు కడప జిల్లా అడ్డగా మారింది. ఆఫ్ఘనిస్తాన్ నుంచి గల్ప్ దేశాలకు వీటిని రవాణా చేసేందుకు అక్రమార్కులు కడప జిల్లాను కేంద్రంగా చేసుకున్నారు. చాలా కాలంగా ఈవ్యవసారం కొనసాగుతోంది. తాజాగా శనివారం జిల్లా పోలీసులు ఐదుగురు స్మగ్లర్లను అరెస్టు చేయడంతో మాదకద్రవ్యాల అక్రమ రవాణా వ్యవహారం బట్టబయలైంది. ఆఫ్ఘనిస్తాన్ నుంచి కొకైన్‌ను భారతదేశానికి దిగుమతి చేసుకుని ఇక్కడి నుంచి కువైట్, దుబాయ్, ఖతార్ తదితర దేశాలకు ఎగుమతి చేస్తున్నారు.
కడప జిల్లా ఒంటిమిట్ట మండలానికి చెందిన ప్రసాద్(28), ఖాజా రహమ్మతుల్లా(34), సుండుపల్లె మండలానికి చెందిన షేక్ మస్తాన్‌వలీ(45), కేరళ రాష్ట్రానికి చెందిన మొహిద్దీన్(40), పరివెంగళ అజుబు(34)ను జిల్లా క్రైమ్ బ్రాంచ్ పోలీసులు అదుపులోకి తీసుకున్నారు. సుండుపల్లెకు చెందిన షేక్ మస్తాన్‌వలీ గతంలో గల్ఫ్‌లో ఉన్నపుడు అక్కడి పరిచయాలతో మిగతా నలుగురిని కలుపుకుని కొకైన్‌ను ఆఫ్ఘనిస్తాన్ నుంచి కడపకు తెప్పించి ఇక్కడి నుంచి ప్రయాణికుల సాయంతో గల్ఫ్ దేశాలకు ఎగుమతి చేసి విక్రయించేవాడు.
ఇదే వ్యవసారంలో గల్ఫ్ పోలీసులకు పట్టుబడి కొంతకాలం జైల్లో ఉండి తిరిగి సుండుపల్లెకు చేరుకున్నాడు. ఆఫ్ఘనిస్తాన్ నుంచి తెచ్చిన కొకైన్‌ను ఈ ముఠా సభ్యులు గల్ఫ్‌లో ఉన్న భాస్కర్, మరో ముగ్గురికి సరఫరా చేస్తున్నారు. కేరళకు చెందిన మొహిద్దీన్ , పరివెంగళ అజుబు కదలికలపై నిఘా పెట్టిన అక్కడి పోలీసులు వారి అదుపులోకి తీసుకుని విచారించారు. వారి ఫోన్లలో కడప జిల్లాకు చెందిన షేక్ మస్తాన్‌వలీ, ప్రసాద్, ఖాజా రహమ్మతుల్లా నెంబర్లు కనిపించడంతో రెండురోజుల క్రితం జిల్లా పోలీసులకు సమాచారం అందించారు. దీంతో అప్రమత్తమైన పోలీసులు ఒంటిమిట్ట, సుండుపల్లెల్లో నిఘావేసి కొకైన్ ఎగుమతులపై ఆరా తీశారు.
కొకైన్‌ను చిన్నచిన్న లగేజి బ్యాగుల్లో సర్ది ఇక్కడి నుంచి కువైట్, ఖతార్, సౌదీ, మస్కట్ వెళ్లే వారి సాయంతో ఎగుమతి చేస్తున్నట్లు పోలీసులు గుర్తించారు. ఎలాంటి అనుమానం రాకుండా ముఠా సభ్యులు ఈ తతంగం నిర్వహిస్తున్నారు. అవసరమైతే కొంతమందికి ముఠానే విమాన టికెట్లు కొనివ్వడం గమనార్హం. లగేజి గల్ఫ్‌కు చేరగానే భాస్కర్ వాటిని తీసుకుని కొకైన్‌ను చిన్న చిన్న ప్యాకెట్లలో నింపి విక్రయించేవాడు. చాలా కాలంగా ఈ వ్యవహారం గుట్టుచప్పుడు కాకుండా కొనసాగుతూ వస్తోంది. దీంతో ముఠా సభ్యుల కదలికలపై నిఘా పెట్టిన పోలీసులు ఎట్టకేలకు ఐదుగురిని అరెస్టుచేసి మాదకద్రవ్యాల రవాణాకు చెక్ పెట్టారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.