రాష్ట్రీయం
అభ్యంతరాలను పరిగణనలోకి తీసుకుంటాం
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, జనవరి 23: రాజధాని రైతులకు ఎలాంటి అన్యాయం జరగదని, వారంతా ఇచ్చిన సూచనలను తప్పక పరిగణనలోకి తీసుకుని సమస్యలు పరిష్కరిస్తామని రాష్ట్ర పురపాలక శాఖ మంత్రి, సిఆర్‌డిఎ వైస్ చైర్మన్ పి నారాయణ స్పష్టం చేశారు. సిఆర్‌డిఎ కమిషనర్ శ్రీకాంత్‌తో కలిసి సింగపూర్‌లో రెండు రోజుల పర్యటనను శనివారం ఉదయం ప్రారంభించిన సందర్భంగా మంత్రి నారాయణ ఒక ప్రకటన విడుదల చేశారు. మాస్టర్‌ప్లాన్ ముసాయిదాపై గ్రామాల్లో అవగాహన సదస్సులు నిర్వహించిన సందర్భంగా రైతుల నుంచి వ్యక్తమైన అభిప్రాయాలు, అభ్యంతరాలను సుర్బానా కంపెనీ ప్రతినిధులతో చర్చించామన్నారు. రాజధాని ఎక్స్‌ప్రెస్ హైవే, ప్రధాన రహదారులు, గ్రామకంఠా తదితర అంశాలపై చర్చ కొనసాగింది. ప్రస్తుతం రైతుల ముందు చర్చించిన మాస్టర్‌ప్లాన్ కేవలం ముసాయిదా మాత్రమేనని అందువల్ల చేర్పులకు, మార్పులకు అవకాశం ఉంటుందని అన్నారు. ఈ విషయంలో రాజధాని రైతులు ఎటువంటి ఆందోళన చెందాల్సిన అవసరం లేదన్నారు. గ్రామాల్లో సమస్యలు జఠిలంగా ఉన్నపక్షంలో ప్రత్యామ్యాయాన్ని అనే్వషించాల్సిందిగా సుర్బానా ప్రతినిధులకు వివరించినట్లు వెల్లడించారు. ఇప్పటికే సిఆర్‌డిఎ అధికారులు ప్రతి గ్రామంలో పర్యటించి మాస్టర్‌ప్లాన్ ముసాయిదాపై రైతులకు అవగాహన కల్పించడమే కాకుండా అభిప్రాయాలను కూడా స్వీకరించడం జరిగిందన్నారు. ఆయా గ్రామ ప్రజల నుంచి ఎదురైన సందేహాలను, సలహాలను స్వీకరించి సింగపూర్ కంపెనీ ప్రతినిధులకు తెలియజేయడం జరిగిందన్నారు. కంపెనీ ప్రతినిధులు ప్రజలు వ్యక్తంచేసిన సమస్యలపై చర్చించి ప్రత్యామ్నాయ మార్గాలను అనే్వషించాలని మంత్రి నారాయణ సుర్బానా కంపెనీ ప్రతినిధులకు సూచన చేసినట్లు పేర్కొన్నారు. ప్రభుత్వ పరిధిలో ఉన్న సమస్యలను పరిష్కరించడంలో సాంకేతికంగా ఎదురైన ఇబ్బందుల కారణంగా ఇచ్చిన హామీల అమలులో కొంత జాప్యం చోటు చేసుకుందన్నారు. అయినప్పటికీ సాంకేతిక ఇబ్బందులను అధిగమించి వెంటనే పరిష్కరించడానికి చర్యలు తీసుకుంటామని మంత్రి నారాయణ వివరణ ఇచ్చారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.