ఆటాపోటీ
టాప్ బ్యాట్స్‌మన్ హక్లే
S ,7 à 8 RSCA (si SASPAS) et 6 cialis pharmacie cialis rapports de stage.
మహిళల వరల్డ్ కప్‌లో అత్యధిక పరుగుల రికార్డు డెబిల్ హక్లే ఖాతాలో ఉంది. న్యూజిలాండ్‌కు చెందిన ఆమె 1982-2000 మధ్యకాలంలో జరిగిన వరల్డ్ కప్ టోర్నీల్లో మొత్తం 1,501 పరుగులు సాధించింది. ఒక టోర్నీలో ఎక్కువ పరుగుల రికార్డు కూడా ఆమె పేరిటే ఉంది. 1997లో ఆమె మొత్తం 456 పరుగులు సాధించింది. పది ఇన్నింగ్స్‌ను కనీస అర్హతగా తీసుకుంటే, అత్యధిక సగటు రికార్డును ఆస్ట్రేలియాకు చెందిన కరెన్ రాల్టన్ సొంతం చేసుకుంది. 1997-2009 మధ్యకాలంలో ఆడిన ఆమె సగటు 74.92 పరుగులు. కాగా, ఒక ఇన్నింగ్స్‌లో అత్యధిక స్కోరు బెలిండా క్లార్క్‌ది. ఆస్ట్రేలియాకు చెందిన ఆమె 1997 వరల్డ్ కప్‌లో ఐర్లాండ్‌పై 229 పరుగులు సాధించి నాటౌట్‌గా నిలిచింది. అత్యధిక భాగస్వామ్యాన్ని న్యూజిలాండ్ జోడీ హైదీ టిఫెన్, సూజీ బేట్స్ సాధించారు. 2009లో వీరు 262 పరుగుల పార్ట్‌నర్‌షిప్‌ను నమోదు చేశారు.
గ్రేట్ బౌలర్ ఫుల్‌స్టన్
మహిళల ప్రపంచ కప్‌లో ఎక్కువ వికెట్లు పడగొట్టిన బౌలర్ లిన్ ఫుల్‌స్టన్. ఆస్ట్రేలియాకు చెందిన ఈమె 1982-1988 మధ్యకాలంలో జరిగిన వరల్డ్ కప్స్‌లో పాల్గొని, 39 వికెట్లు కూల్చింది. ఒక టోర్నీలో ఎక్కువ వికెట్లు కూడా ఆమెవే కావడం విశేషం. 1982లో 23 వికెట్లు సాధించి ఈ రికార్డును తన పేరిట నమోదు చేసుకుంది. కాగా, ఒక ఇన్నింగ్స్‌లో ఉత్తమ బౌలింగ్ విశే్లషణను జాకీ లార్డ్ సొంతం చేసుకుంది. న్యూజిలాండ్‌కు చెందిన ఆమె 1982లో 10 పరుగులిచ్చి ఆరు వికెట్లు కూల్చింది.
ఎక్కువ మందిని అవుట్ చేసిన వికెట్‌కీపర్ జేన్ స్మిత్. ఎక్కువ క్యాచ్‌లు పట్టిన ఫీల్డర్ జెనెటే బ్రిటిన్. ఇద్దరూ ఇంగ్లాండ్ క్రీడాకారిణులే.
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.