ఆటాపోటీ
డే/నైట్ టెస్టుకు ‘ట్వి లైట్’ టికెట్లు!
S ,7 à 8 RSCA (si SASPAS) et 6 cialis pharmacie cialis rapports de stage.
బ్రిస్బేన్, మే 19: టెస్టు మ్యాచ్‌లు పగలు జరుగుతాయి. వనే్డ, టి-20 ఫార్మెట్‌లో మ్యాచ్‌లు కూడా పగలు జరిగినా, ఎక్కువ సంఖ్యలో మ్యాచ్‌లు డే/నైట్ పోటీలుగానే ఉంటాయి. కానీ టెస్టు క్రికెట్‌లోనూ డే/నైట్ మ్యాచ్‌లు రంగ ప్రవేశం చేశాయి. దీనితో ప్రేక్షకుల కోసం ‘ట్వి లైట్’ టికెట్లు అందుబాటులోకి వచ్చాయి. టెస్టు జరిగే ఐదు రోజుల్లో ప్రతి రోజూ చివరి రెండు సెషన్స్ చూసే అవకాశాన్ని కల్పించడమే ఈ ‘సంజె టికెట్ల’ ప్రత్యేకత. నిరుడు అడెలైడ్‌లో న్యూజిలాండ్, ఆస్ట్రేలియా జట్ల మధ్య క్రికెట్ చరిత్రలోనే మొట్టమొదటి డే/నైట్ టెస్టు జరిగింది. చివరి రెండు సెషన్స్ కోసం ప్రత్యేకంగా ‘ట్వి లైట్’ టికెట్లను ప్రవేశపెట్టినప్పటికీ, అంతగా ప్రచారం లభించకపోవడంతో 14 శాతం టికెట్లు మాత్రమే అమ్ముడయ్యాయి. ఈఏడాది డిసెంబర్ 15 నుంచి 19 వరకు పాకిస్తాన్‌తో జరిగే మొదటి కామనె్వల్త్ బ్యాంక్ డే/నైట్ టెస్టు మ్యాచ్‌కి ‘టి లైట్’ టికెట్లను విడుదల చేశారు. అడెలైడ్ అనుభవాన్ని దృష్టిలో ఉంచుకొని, అన్నింటికీ ఒకే ధరను కాకుండా, మూడు క్లాసులుగా ఈ టికెట్లను విభజించారు. సాధారణ టికెట్ ధరను 20 ఆస్ట్రేలియా డాలర్లు (సుమారు 1000 రూపాయలు)గా నిర్ధారించారు. పిల్లల కోసం ప్రత్యేక 10 ఆస్ట్రేలియా డాలర్ల (సుమారు 500 రూపాయలు) విలువైన టికెట్లను విడుదల చేశారు. అదే విధంగా కుటుంబాలకు టికెట్ ధరగా 45 ఆస్ట్రేలియా డాలర్లు (సుమారు 2,250 రూపాయలు) వసూలు చేస్తున్నారు. మూడు రకాలు టికెట్ల అమ్మకం వల్ల ప్రేక్షకాదరణ పెరుగుతుందని క్రికెట్ ఆస్ట్రేలియా ఎగ్జిక్యూటివ్ జనరల్ మేనేజర్ మైక్ మెక్‌కెనా తెలిపాడు.
భారత్ సానుకూలం
డే/నైట్ టెస్టు మ్యాచ్‌ని ఆడేందుకు భారత్ సుముఖంగా ఉందని క్రికెట్ ఆస్ట్రేలియా (సిఎ) చీఫ్ ఎగ్జిక్యూటివ్ జేమ్స్ సదర్లాండ్ అన్నాడు. భారత క్రికెట్ నియంత్రణ బోర్డు (బిసిసిఐ) ఇది వరకే తమకు ఈ ప్రతిపాదన చేసిందని విలేఖరులతో మాట్లాడుతూ అన్నాడు. వచ్చే ఏడాది రెండు దేశాల మధ్య టెస్టు సిరీస్ జరుగుతుందని, ఆ సమయంలో డే/నైట్ టెస్టు ఆడే అవకాశం ఉంటుందని చెప్పాడు. ఇలావుంటే, న్యూజిలాండ్‌తో ఈఏడాది అక్టోబర్-నవంబర్ మాసాల్లో జరిగే సిరీస్‌లో డే/నైట్ టెస్టు ఉంటుందని బిసిసిఐ ఇది వరకే ప్రకటించింది. సదర్లాండ్ పరోక్షంగా ఇదే విషయాన్ని ప్రస్తావించాడు. తమకు కూడా బిసిసిఐ నుంచి లాంటి ప్రతిపాదన వచ్చిందన్నాడు. చాలా దేశాలు డే/నైట్ టెస్టులకు సానుకూలత వ్యక్తం చేయడం శుభసూచకమని అన్నాడు. గత ఏడాది నవంబర్‌లో ఆస్ట్రేలియా, న్యూజిలాండ్ జట్ల మధ్య క్రికెట్ చరిత్రలోనే మొట్టమొదటి డే/నైట్ టెస్టు జరిగింది.
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.