ఇళయరాజా చెప్పడంతో ఈ సినిమా చేశా
S ,7 à 8 RSCA (si SASPAS) et 6 cialis pharmacie cialis rapports de stage.
‘అబ్బాయితో అమ్మాయి’ దర్శకుడు రమేష్ వర్మ
----------------------------
నాగశౌర్య, పాలక్ అల్వాని జంటగా రమేష్ వర్మ దర్శకత్వంలో జె.జి. సినిమాస్, కిరణ్ స్టూడియో పతాకాలపై తెరకెక్కుతున్న చిత్రం ‘అబ్బాయితో అమ్మాయి’. ఈ చిత్రం అన్ని కార్యక్రమాలు పూర్తిచేసుకుని జనవరి 1న విడుదలవుతున్న సందర్భంగా దర్శకుడు రమేష్ వర్మ చెప్పిన విశేషాలు ఆయన మాటల్లోనే...
‘వీరా’ సినిమా తరువాత గ్యాప్ రావడానికి గల కారణం, ఓ మంచి లవ్‌స్టోరీని తెరకెక్కించాలని అన్నీ రెడీ చేసుకున్నాను. ఆ సినిమాకు బడ్జెట్ కూడా ఎక్కువే. నాగశౌర్యతోనే అనుకున్నాను. కానీ బడ్జెట్ ఎక్కువవడంవల్ల సినిమా చేయడానికి ఎవరూ ముందుకు రాలేదు. నిజానికి నాగశౌర్యను నేనే పరిచయం చేయాలి. కానీ ఈ సినిమా ఆగిపోవడంతో తను వేరే సినిమాలు చేశాడు. ఆ తరువాత నేను కూడా ఈ ప్రాజెక్టును ప్రక్కన పెట్టాను. ఆ తరువాత రెండేళ్లకు మళ్లీ నాగశౌర్యతోనే ఈ ప్రయత్నాన్ని మొదలుపెట్టాను. నిజానికి ‘వీరా’ సినిమా రవితేజ కోసం అనుకున్నది కాదు. ఓ నిర్మాత ప్రోత్సాహంతో బాలకృష్ణగారికోసం రాసుకున్న కథ అది. కానీ ఆయనతో కుదరకపోవడం, ఆ కథ రవితేజకు నచ్చడంతో సినిమా చేశా. కానీ ఆ సినిమా అనుకున్న స్థాయిలో ఫలితాన్ని ఇవ్వలేదు. ప్రస్తుతం సోషల్ మీడియా ఎంత ప్రజాదరణ పొందిందో అందరికీ తెలిసిందే. దాన్ని బేస్ చేసుకుని పాజిటివ్‌గా వెళ్ళే కథ ఇది. నిజ జీవితంలో వాస్తవానికి, కల్పితానికి తేడా ఏమిటనేది చూపిస్తుంది. ఇది రెగ్యులర్ ఫార్మెట్‌లో వుండే లవ్‌స్టోరీ కాదు. సినిమా మొత్తం ఏం జరుగుతుందనే ఎగ్జైట్‌మెంట్‌తో సాగుతుంది.’
‘నేను అనుకున్నట్టుగానే నాగశౌర్య చక్కటి నటన కనబరిచాడు. నిజానికి అతన్ని ముందు పరిచయం చేసి ఈ సినిమా చేసివుంటే ఇంత బాగా వస్తుందని అనుకోను. ప్రతి విషయంలో చాలా కేర్ తీసుకుని చేశాడు. అలాగే హీరోయిన్ కూడా అద్భుతంగా నటించింది. ఈ సినిమాకు ప్రధాన ఆకర్షణ ఇళయరాజాగారి సంగీతం. నేను ‘అబ్బాయితో అమ్మాయి’ సినిమా పక్కనపెట్టిన తరువాత ‘వస్తా నీవెనుక’ అనే సినిమా చేయాలని ఇళయరాజాగారిని కలిశాను. ఆ సమయంలో ఆయనకు ఈ కథ చెప్పడంతో బాగుంది, ముందు ఇదే ప్రారంభించు అని చెప్పడంతో ‘అబ్బాయితో అమ్మాయి’ సినిమా ప్రారంభించాను. ఈ సినిమాకు నిర్మాతల సపోర్టు కూడా ఎంతో వుంది. నాకు పూర్తి స్వేచ్ఛనిచ్చి సినిమాను రూపొందించే అవకాశం కల్పించారు. అలాగే ఎక్కడా కాంప్రమైజ్ కాకుండా కొత్త ఫీల్ కలిగేలా చిత్రాన్ని తెరకెక్కించా. నేను ఇదివరకు చేసిన సినిమాలకు ఈ సినిమాకు చాలా తేడా కన్పిస్తుంది. ఇటీవలే సినిమాను నా స్నేహితులు డిస్ట్రిబ్యూటర్లకు చూపించాను. అందరూ బాగుందని మెచ్చుకోవడంతో సినిమాపై గట్టి నమ్మకం వుంది. ఈ సినిమా తరువాత ‘వస్తా నీ వెనుక’ చిత్రాన్ని మొదలుపెడతా. నిజానికి ఆ టైటిల్‌ని మార్చేశా. ‘ఇదేదో బాగుందే చెలీ’ టైటిల్‌ను అనుకుంటున్నాను’ అంటూ ముగించారు.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..