అవీ .. ఇవీ..
జీవకళ ( అవీ..ఇవీ)
S ,7 à 8 RSCA (si SASPAS) et 6 cialis pharmacie cialis rapports de stage.
ఈ చిత్రంలో కన్పిస్తున్నది అచ్చమైన ఆడపిల్లలు అనుకుంటున్నారు కదూ...ఆ కళ్లల్లో జీవం చూస్తే ముచ్చటేస్తుంది కదూ..కానీ అవి కేవలం బొమ్మలు. రష్యా కళాకారుడు మైఖేల్ జజ్‌కోవ్ వీటిని తయారు చేశాడు. అందంగా ముస్తాబు చేసిన ఇలాంటి బొమ్మల్లో అందర్నీ ఆకట్టుకున్నవి మూడు. ఆ బొమ్మల అమ్మాయిలకు ఉల్యాన, నటాలియ, సోఫియా అని పేరుపెట్టాడు. సోషల్‌మీడియాలో ఈ ఫోటోలు పోస్ట్ చేయడమే తరువాయి అభినందనల వెల్లువ మొదలైంది. జజ్‌కోవ్‌కు ఇప్పుడు 71వేలమంది ఫాలోవర్లు ఉన్నారంటే ఈ బొమ్మలచలవే.
ఎగిరిపోతే ఎంత బాగుంటుందో...
ఈ రెండు గోరింకలు అదే పాట పాడుకుంటూ రివ్వుమని దూసుకుపోతున్నట్టున్నాయి. ఒకదానిపై ఒకటి కూర్చుని ఎగురుతున్నట్లనిపించినా నిజానికి అవి పక్కపక్కనే ఎగురుతున్నాయి. దిల్లీలోని ఓ అపార్టుమెంటులో గూళ్లలో ఉండే ఈ జంట ఇలా బైటకు ఎగిరినప్పుడు అక్కడే ఉన్న ఐటి కన్సల్టెంట్ నితిన్‌చంద్ర తన కెమెరాను క్లిక్‌మన్పించారు.
గాజుకొండలు
దట్టంగా, ఆకుపచ్చగా కళకళలాడుతున్న ఈ కొండలు నిజంగా చెట్టూచేమలతో నిండిపోలేదు. ఇక్కడ కన్పిస్తున్నవి నిజమైన కొండలూ కాదు. ఇజ్రాయల్‌లోని ఓ గాజుపెంకుల రీసైక్లింగ్ కంపెనీ ఆవరణలో గుట్టలుగుట్టలుగా పోసిన పగిలిన గాజుముక్కల సమూహం ఇది. ఆకుపచ్చ, ముదురు జేగురురంగు గాజుసీసాల ముక్కలన్నీ ఇలా గుట్టలుగా పోశారు. ఒక్కో గుట్ట 50 అడుగుల ఎత్తు, కొన్ని ఫుట్‌బాల్ మైదానాల సైజులో ఉండటంతో ఇలా పర్వతప్రాంతంలా కన్పిస్తోందంతే.
చినచేపను పెదచేప..
మత్స్యన్యాయం అంటే ఇదేనేమో...ఈ చిత్రంలో కన్పిస్తున్న దృశ్యం దానినే చెబుతోంది. సియోల్ నగరంలోని ఓ అక్వేరియంలో సాండ్ టైగర్ షార్క్ కలియతిరుగుతూ ఎదురుపడిన మరో చిన్న షార్క్‌ను గుటుక్కున మింగేసింది. షార్క్‌లు చేపలను తినడం సాధారణమే అయినా ఇంత ప్రత్యక్షంగా చూడడం గొప్పే.
Related Articles
పండుగ వచ్చిందంటే పిల్లలకు నిజంగా పండుగే. సంక్రాంతి పండుగ వస్తే ఇల్లంతా పండుగే. ఊరంతా పండుగే. ఈ మూడు రోజుల పండుగలో ఆనందం ఉంది. అల్లరి ఉంది. ఆరోగ్యం ఉంది. సరదా ఉంది. సంతోషం ఉంది. కలుపుగోలుతనం ఉంది. కలివిడితనం ఉంది. ప్రకృతి అందాలున్నాయి. పర్యావరణ హితం ఉంది. కళ ఉంది. నమ్మకం ఉంది. ఆరాధన ఉంది.
నేషనల్ జియాగ్రాఫికల్ ఛానల్ గత నెలలో కొన్ని ప్రసారాల కోసం ప్రపంచం నలుమూలల నుంచి కొన్ని ఛాయాచిత్రాలను తీయించింది. వాటిలో ఇక్కడివి ప్రేక్షకాదరణ పొందాయి. కెనడాలోని బ్రిటిష్ కొలంబియా ప్రాంతంలో కనిపించిన ఒకరకపు కుక్కగొడుగులు నిజానికి ఫంగీ. ఇవి కొన్ని రకాల జీవులకు ఆహారం.
భారత్‌లోని హిమాలయ ప్రాంతాల్లో ప్రకృతి పుడమిపై మంచుదుప్పటి పరచింది. కేదారనాథ్, గంగోత్రి వంటి పుణ్యక్షేత్రాలు ఇప్పుడు ధవళవర్ణపు మంచులో కొత్త సొబగులతో కనిపిస్తున్నాయి. ఈ సీజన్‌లో ఇక్కడకు యాత్రీకులను అనుమతించరు.
ఈ పెద్దాయన పేరు అనిరుథ్ తాంత్రిక్. ఆయన శిష్టుడు యదుకృష్ణ. ఈ యువ అర్చకుడి వయసు 21. కేరళలోని మనప్పురమ్ మహాదేవాలయంలో పెరుమాళ్ సేవలో విధులు నిర్వహిస్తున్నాడు. ఇందులో విశేషం ఏముందంటే.. ఉందనే చెప్పాలి. ట్రావెన్‌కోర్ దేవస్థానం పరిధిలోని 1248 ఆలయాలున్నాయి. అందులో శబరిమల అయ్యప్ప ఆలయం కూడా ఒకటి.
నేషనల్ జియోగ్రాఫిక్ సంస్థ ఆధ్వర్యంలో ఈ మధ్య 2017 ఫోటోగ్రఫీ పోటీలు నిర్వహించింది. వేలాది ఎంట్రీలు వచ్చాయి. వాటిని పరిశీలించి విజేతలను ఎంపిక చేశారు. బహుమతి పొందిన ఛాయాచిత్రాలను వారి పత్రిక, వారి ఇన్‌స్టాగ్రామ్‌లలో పోస్ట్ చేశారు. మొదటి విజేతకు పదివేల అమెరికన్ డాలర్ల బహుమతి ఇచ్చారు.