కృష్ణా పుష్కర వైభవం

బెజవాడ కనకదుర్గమ్మ చల్లని చూపులతో
బిరబిరా కృష్ణమ్మ పరుగులిడగా
తెలుగింట కళకళలాడే కళావైభవంగా
కదలి వచ్చింది కృష్ణా పుష్కరం

అమరావతి రాజధాని శోభతో
అలరారే కృష్ణానదీ తరంగాల
తెలుగు తల్లికి మంగళ హారతులు అందిస్తూ
కదలి వచ్చింది కృష్ణా పుష్కరం

దశదిశలా తెలుగు కీర్తి వైభవం
తెలుగింట తెలుగునాట తెలుగు నోట
తీయని పలుకులా ప్రవహించే
పుణ్యనదీ ప్రవాహంలా
కదలి వచ్చింది కృష్ణా పుష్కరం

బౌద్ధమతం శాసనాలతో
అమరావతి అపురూప శిల్ప సంపదతో
కళకళలాడే కృష్ణాతీరంలా
కదలి వచ్చింది కృష్ణా పుష్కరం.