అక్షరాలోచన
నా ప్రపంచంలో..
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 4 June 2017
- పుష్యమీ సాగర్, 9032215609
కూలిపోయన వంతెనలగుండా
మాటలు చిక్కుకుని విలవిలలాడినప్పుడు
ఎండ సోకని మూలాలలో నన్ను నేను
ఎప్పటికప్పుడు తప్పిపోతాను
కడవల కొద్దీ కన్నీళ్లను
అనుభవాల దొంతరలో
పాతరేసి పోరాడుతున్న
ఒంటరి కెరటాన్ని
అనుభూతులు ఒంటినిండా
సీతాకోక చిలుకలై ఎగిరినప్పుడు
అవ్యక్త లోకంలో తిరుగుతూ
సంతోషపడే అల్పజీవిని
కాల పరీక్షలో, రోజుల లెక్కలలో
కొట్టివేతగా మిగులుతూ
కొంచెం కొంచెంగా
అదృశ్యమవుతున్న రేపటి స్వప్నాన్ని
రెక్కల కింద దాచుకున్న
ప్రేమ అక్షరాలని నింగికి ఎగరేసి
పతాకమై రెపరెపలాడాలని
ఉవ్విళ్లూరుతున్న వర్తమానపు ఆశని
జీవిక ఉన్నంతవరకు
నాలో నేను, నాతో నేను
ఇదే సత్యం, మిగిలినది అంతా అవాస్తవం
నాదైన ప్రపంచంలో...