అంతర్జాతీయం
అంగారకుడి లోతుల్లోకి..!
S ,7 à 8 RSCA (si SASPAS) et 6 cialis pharmacie cialis rapports de stage.
వాండెన్‌బర్గ్ ఎయిర్ ఫోర్స్ బేస్ (అమెరికా), మే 5: అంగారకుడి ఆనుపానులు మరింత లోతుగా తెలుసుకోవడానికి అమెరికా అంతరిక్ష పరిశోధనా సంస్థ (నాసా) నడుంబిగించింది. భూమికి సుదూర ప్రాంతంలోని అరుణగ్రహం అంతరాంతరాలనూ అధ్యయనం చేయడానికి తాజాగా ఇన్‌సైట్‌ను ప్రయోగించింది. ఇన్‌సైట్‌తో అంగారకుడి ఉపరితలాన్ని క్షుణ్ణంగా తెలుసుకోవడమే కాదు, అంగారక కంపనాల (మార్స్ క్వేక్స్) శబ్దాలను సైతం వినొచ్చని నాసా శాస్తవ్రేత్తలు చెబుతున్నారు. కాలిఫోర్నియాలోని వాండెన్‌బర్గ్ ఎయిర్‌ఫోర్స్ బేస్ నుంచి భారత కాలమానం ప్రకారం తెల్లవారుఝామున 4.05 గంటలకు చిమ్మ చీకట్లను చీల్చుకుంటూ అట్లాస్ వి రాకెట్ నాసా ఇన్‌సైట్‌ను తీసుకుని బయలుదేరింది. దీన్ని అమెరికా పశ్చిమతీరం నుంచి నాసా చేపట్టిన తొలి ఇంటర్‌ప్లానెటరీ ప్రయోగంగా చెబుతున్నారు. అంగారకుడి ఉపరితలంపైనే కాదు, అంగారకుడి పైపొరల నుంచి 16 అడుగుల లోతుల్లోని ఉష్ణోగ్రతల పరిస్థితులను మరింత లోతుగా తెలుసుకునే అవకాశం దక్కుతుంది. అమెరికా, ఐరోపాలు సంయుక్తంగా 993 మిలియన్ల అమెరికన్ డాలర్లతో ఇన్‌సైట్ ప్రాజెక్టును చేపట్టడం తెలిసిందే. వందల వేల సంవత్సరాల క్రితమే భూమిలాంటి శిలాగ్రహాలు ఎలా ఏర్పడ్డాయో తెలుసుకోడానికీ ఇన్‌సైట్ ప్రయోగం ఉపకరిస్తుందని అంటున్నారు. ఎలాంటి అవాంతరాలు తలెత్తకుండా ప్రయాణం సజావుగా సాగితే వచ్చే నవంబర్ 26నాటికి అరుణగ్రహంపై ఇన్‌సైట్ ల్యాండ్ అవుతుందని శాస్తవ్రేత్తలు చెబుతున్నారు. ఇన్‌సైట్ ప్రయోగం అనంతరం నాసా చీఫ్ సైంటిస్ట్ జిం గ్రీన్ మాట్లాడుతూ ‘ఇప్పటి వరకూ మార్స్‌మీద బలమైన కంపనాలు, హిమపాతాలు, ఉల్కాపాతాలు చోటుచేసుకుంటున్న విషయానే్న తెలుసుకున్నాం. కానీ, వాటి సంభవానికి కారణాలేమిటన్న అధ్యయనాలు ఇన్‌సైట్ నుంచి మొదలవుతున్నాయి. మార్స్‌ని మరింత లోతుగా చూడాలంటే, కంపన సంభవాలపై ప్రాథమిక సమాచారం తప్పనిసరి. అందుకోసమే ఈ ప్రయోగం’ అన్నారు. నిజానికి ఇన్‌సైట్ ఉపగ్రహాన్ని 2016లోనే నాసా ప్రయోగించాల్సి ఉంది. ప్రయోగానికి ముందు చివరిసారిగా జరిపిన పరీక్షల్లో ఉష్ణోగ్రతల్లో వ్యత్యాసం కనిపించటం, కీలక భాగమైన సిసిమో మీటర్ సామర్థ్యంపై అనుమానాలు తలెత్తడంతో అప్పట్లో ప్రయోగాన్ని నిలిపివేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.